Mu Nkindi shapita 31 mudi musapu wa bulēme wa Mulopwe Lemwele wāmulombwele inandi. Madingi andi a tunangu āmufundije mwa kukimbila mwana-mukaji mulumbuluke.

31:10-12

• Uletanga milangwe miyampe pa butyibi bwa kisaka koku ukōkele nyeke

• Wandi mulume umukulupile amba ukakwata butyibi bwa tunangu, ino kenakumuningilapo etabije milangwe yandi pa mwanda o-onso

31:13-27

• Uyukile mwakuleela lupeto ne kwikala na būmi bupēla mwanda wa kyandi kisaka kikale kivwala biyampe, kimweka biyampe kadi kidya biyampe

• Wingilanga bininge kadi ukengelele ba mu njibo yandi dyuba ne bufuku

31:30

• Wakaminwe Leza ne kutamija kipwano kyandi nandi