Mushipiditu wa kwipāna wa Isaya i muyampe kwiula. Wālombwele lwitabijo ne kulondolola ponka na ponka ku bisakibwa nansha byakādipo uyukile myanda yonso. (Isa 6:8) Ubulwe’po kujadika bintu bimo mwanda wa kukengidila kokwa kusakilwa basapudi ba Bulopwe? (Ñi 110:3) Inoko, i biyampe “kupikula lupeto” kumeso kwa kuviluka. (Luk 14:27, 28) Ikala na mushipiditu wa kwituma, nansha byo bikulomba kwipāna pa mwanda wa mwingilo wa busapudi. (Mat 8:20; Mak 10:28-30) Enka na mokilombwedilwe mu video Kukengidila Kokwa Kusakilwa Bengidi Bavule, madyese otutambula mu mwingilo wa Yehova apityile makambakano otutana’mo.

• Le i kwipāna’ka kwepēne ba mu kisaka kya Williams mwanda wa kukengidila mu ntanda ya Ekwatere?

• Le i myanda’ka yo babandawile pa kutonga kwa kukengidila?

• Le i madyese’ka obamwenine’mo?

• Le i kwepi kokayukila myanda mivule ya mwa kukengidila kokwa kusakilwa bengidi bavule?

• I muswelo’ka otubwanya kutandabula mwingilo wetu mu kisaka? (km 8/11 p. 4-6)

• Shi ketubwanyapo kukengidila kokwa kusakilwa bengidi bavule, i mu miswelo’ka motukokeja kukwasha kipwilo kyetu? (w16.03-F p. 23-25)