Yehova kadipo na mboloji. (Bil 10:34, 35) Witabijanga bantu “batambile mu mizo yonso ne bisaka ne bantu ne ndimi.” (Kus 7:9) Nanshi, mboloji nansha ntondo keidipo na kifuko mu kipwilo kya bwine Kidishitu. (Yak 2:1-4) Tufwijei’ko pa mwanda wa bufundiji bwa Leza ne kusangela paladisa ya ku mushipiditu mwine motumona bantu bashinta bumuntu bwabo. (Isa 11:6-9) Potulonga bukomo bwa kujula mu mityima yetu kantu konso kaleta mboloji, tulombolanga’mba twiulanga Leza.—Ef 5:1, 2.

• Mwanda waka bufundiji bwa Leza i butabuke bukomo bulonga bantu bwa kupwa kwisañuna ne mboloji?

• I kika kya kutulumuja pa mwanda wa bu bana na bana bwetu bwa ntanda yonso?

• I muswelo’ka utumbijibwanga Yehova potulama bumo bwa bwine Kidishitu?