Mwaka ne mwaka, twikalanga na fetyi yūbaka ya ku mushipiditu ya ku bitango byetu bya ntanda. Pa kusaka’mba bakwabo nabo batompe buyampe bwa Yehova, tusa kwita bantu bavule bāye bapwile netu. (Ñi 34:8) Kitango ne kitango kya bakulumpe kikakwata’ko mpangiko ya mwa kupānina senene tukanda twa lwito ku bantu bonso.

• Kyetu kitango kisa kulongwa kitatyi’ka?

• I kitatyi’ka kisaka kushilula kampanye kwetu?

• Kupwila kwa kwenda mu busapudi kusa kulongwa kitatyi’ka?

• Le ne mwitungile bitungo’ka mu kano kampanye?

• I bāni bonanga kwita?

Pa kupwa kwimuna muntu, ubwanya kunena’mba:

“Tuloñanga kampanye ntanda yonso ka kwabanya tukanda twa kwita bantu ku kinkumenkume kya mvubu mpata. Mafuku a kweji, kitatyi ne adelese bidi kala pa kano kakanda. Tukasangala mpata shi wiye kupwila netu.”

Nansha byotusaka kwita bantu bavule ku kitango, tufwaninwe kuta mutyima wa kutamija kusangela ko-konso kulombolwa.

Ku mfulo kwa yenga, mubwanya kupāna mapepala pamo na kakanda ka lwito.