BŪMI BWA BENE KIDISHITU
Miswelo ya Kwingidija JW Library
PA KWIFUNDA:
-
Kutanga Bible ne kisonekwa kya difuku ne difuku.
-
Potanga Annuaire, mapepala, ne mabuku makwabo. Ingidija tuyukeno
-
Kuteakanya kupwila kwa pa kipwilo, ne kushīka malondololo
-
Kutala mavideo
KU KUPWILA:
-
Kutala bisonekwa bitela muneni. Ingidija mānga pa kusaka kujokela pa kisonekwa
-
Pa kyaba kya kusela mabuku mavule matampe ku kupwila, ingidija telefone nansha tabulete yobe mwa kulondela bipindi palapala ne kwimba ñimbo. Mu JW Library mudi ñimbo mipya keyatampilwe mu dibuku dya ñimbo
MU MWINGILO:
-
Lombola muntu wasangedile musapu bintu bimo bidi mu JW Library, ne kumukwasha atentule mpangiko ne mabuku mu kyandi kingidilwa
-
Ingidija kintu kya kulonga nakyo bukimbi pa kutana vese mu Bible. Shi musemwa keulupukilepo mu Bushintuludi bwa Ntanda Mipya bwa panopano, nankyo jokela ku Bible avec notes et références ukimbe monka
-
Kutadija video. Shi mwinē njibo udi na bana, ubwanya kutadija video imo inena’mba Ikala Mulunda na Yehova. Nansha padi ubwanya kutadija video Mwanda Waka Twifunde Bible? mwanda wa kutobaja kifundwa kya Bible. Shi muntu kampanda wisambanga ludimi lungi, mutadije video mu lwandi ludimi
-
Lombola muntu kampanda kisonekwa mu ludimi lukwabo, na kwingidija bwalamuni bowatentwile mafuku kunyuma. Enda pa kisonekwa, tonya pa kibalwa kya vese, kupwa tonya pa kayukeno ka bwalamuni
Tala'po Bidi ne Bino:
MWINGILO OTWINGILA MU BANTU
Kwingidija JW.ORG pa Kupāna Musapu wa mu Bible
Batumoni ba Yehova, banuke ne bakulu, basenswe kwingidija diteba dyabo dilumbululwe mwanda wa kusapwila bantu bavule mpata myanda miyampe ya Bulopwe bwa Leza.
