Mutōto wa 51 wālembelwe na Davida pa kupwa kudyumunwa na mupolofeto Natana pa bubi bukatampe bwālongele Davida na Bafesheba. Mutyima wa mundamunda wa Davida wāmutopekele kupwa wēsāsa na kwityepeja.—2Sa 12:1-14.

51:3, 4, 8-12, 17

• Kumeso kwa kusaba bubi ne kwialakanya, mutyima wandi wa mundamunda wāmususwile

• Wēkondele na milangwe ya kwelwa na Leza wāfula ne kwiivwana pamo bwa muntu mupondakanibwe mikupa

• Wādi wabila kulekelwa, kundapwa ku mushipiditu, ne nsangaji yaādi nayo dibajinji

• Wāzenzele Yehova na kwityepeja amukwashe atamije mutyima wa kikōkeji

• Wādi ukulupile amba Yehova ukamulekela