Boba basaka kwikala bana ba kibundi ba Bulopwe bwa Leza bafwaninwe kwifunda bintu byonso byobabwanya bitala pa Bulopwe ne bintu byokebudi kala bulonge. Mwanda waka? Ke mwandapo’tu wa kukomeja lwitabijo lwabo amba Bulopwe bwa Leza buludikanga, ino kibakwashanga ne kwibakwasha bekale na mutyima wa kusapula myanda miyampe ya Bulopwe ku bantu bakwabo. (Ñi 45:1; 49:3) Potala video Pano Ke Myaka 100 ya Bulopwe, kimba malondololo a bino bipangujo:

1. Mwanda waka “Foto-Drame ya Bupangi” dyadi dyese ku beitadile?

2. I muswelo’ka waingidijibwe ladiyo pa kusapwila bantu myanda miyampe?

3. I manwa’ka makwabo aingidijibwe pa kusapula myanda miyampe ne alupwile bipa’ka?

4. Le manwa a mwa kufundijija alumbulwilwe namani mu bula bwa myaka?

5. Le i bufundiji’ka buyampe bwafundijibwe bana ba masomo a Ngileade?

6. Le bitango byaingile mwingilo’ka pa kufundija bantu ba Yehova?

7. Le i bika bikukulupija’mba Bulopwe bwa Leza buludikanga?

8. Le tulombolanga namani amba tukwatakenye Bulopwe bwa Leza?