Davida wātenwe na matompo mavule mabi mpata mu būmi bwandi. Mwenda mafuku Mutōto wa 55 wālembwa, wāsusukile na bintu pamo wa . . .

• Kutukwa

• Kupangwapangwa

• Kwitopeka bipitepite

• Makambakano mabi a kisaka

• Misongo

• Kwabwa

Nansha byādi bimweka biselwa byandi bu bikomo kusela, Davida wāyukile mwakulwila nabyo. Muntu ense wiivwana uno muswelo ubwanya kukwashibwa na madingi a Davida a ku bukomo bwa mushipiditu a amba: “Ela kiselwa kyobe padi Yehova.”

55:22

1. Lomba Yehova milombelo itamba ku mutyima pa mwanda o-onso, kukambakanya mutyima, nansha malangalanga o-onso

2. Kimba bwendeji ne bukwashi mu Kinenwa kya Yehova ne mu bulongolodi

3. Longa bintu bibwanya kukupēleleja’ko ngikadilo yobe ino mungya misoñanya ya mu Bible