Kwisamba Bivule Mpata: Kokilanga’mba ufwaninwe kushintulula mwanda onso. Yesu wādi wipangula bipangujo mwanda wa kukwasha bantu balanguluke kadi bafikile pa milangwe myoloke. (Mat 17:24-27) Bipangujo biloejanga kifundwa kadi bikakukwasha uyuke byobya byaivwanija mwifundi ne byawaitabija. (be p. 253 mus. 2-3) Shi ubaipangula kipangujo tūkija mutyima, mwilaije alondolole. Shi mwifundi walondolola bya bubela, pa kyaba kya ku musapwila malondololo a bine, muludike na bipangujo bikwabo bikamukwasha atane malondololo a bine. (be p. 238 mus. 1-2) Wisambe mu muswelo ulengeja mwifundi evwanije myanda mipya.—be p. 230 mus. 4.

Kwiikutakanya: Leka kusekununa byonso byoyukile pa mwanda’wa. (Yoa 16:12) Imanina pa mwanda mukatampe wa mu musango. (be p. 226 mus. 4-5) Kushintulula myanda yonso nansha ke yoya isangaja kubwanya kujimija mwanda mwine mukatampe. (be p. 235 mus. 3) Shi mwifundi waivwanija’tu mwanda mukatampe, endai ku musango mukwabo.

Kushintulula’tu’nka Myanda Bitupu: Kitungo kyetu i kutenga mutyima, kekushintululapo myanda bitupu. (Luk 24:32) Ingidija bukomo bwa Kinenwa kya Leza na kwimanina pa bisonekwa biselele myanda. (2Ko 10:4; Bah 4:12; be p. 144 mus. 1-3) Ingidija byelekejo bipēla. (be p. 245 mus. 2-4) Jingulula makambakano a mwifundi ne byakulupile, kupwa enzankanya kifundwa mungya ngikadilo yandi. Mwipangule bino bipangujo: “Le ubamone namani bino byowifunda?” “Le bitufundija bika padi Yehova?” “I madyese’ka omwena’mo polonda ano madingi?”—be p. 238 mus. 3-5; p. 259 mus. 2.