KYOKWIKADILE NA MVUBU: Kupwila kwitupanga mikenga ya ‘kutendela Yehova’ ne ‘kumwimbila’ kyaba ne kyaba. (Ñi 149:1) Ku kupwila, ye kotufundanga mwa kulongela kiswa-mutyima kya Leza. (Ñi 143:10) Boba basangela ne bifundwa bya Bible bendelelanga bininge shi abashilula’tu kupwila.

MWA KULONGELA:

• Pāna kakanda ka lwito pakubulwa kwija. Kunenwepo kwilaija kufika ne bishimatyija kifundwa.—Kus 22:17

• Shintulwila muntu usangedile’wa byabwanya kutana’ko ne byobya bikesambilwa’po ku kupwila kulonda’ko. Bino bilonda’ko bibwanya kukwasha mu uno mwanda: kakanda ka lwito lwa ku kupwila, video I Bika Biloñwanga ku Njibo ya Bulopwe?, ne kifundwa 5 ne 7 kya boloshile Kiswa-Mutyima kya Yehova

• Mukwashe. Le muntu usangela musapu’wa usakilwa kulungwa’ko kuboko nansha kukwashibwa pa kutonga bivwalwa biyampe? Shikata nandi pamo ku kupwila, tanga nandi pamo mu mabuku obe. Muyukanye ku bakwabo