Sendwe wa bibalu. Mulongi wa bingelengele. Muñanga. Yesu wādi utelwa namino, ne miswelo mikwabokwabo. Ino bantu kebāingidijepo bino bishima pa kumwita. Bādi bamwitanga bu Mufundiji. Bine, mwingilo wandi wa umbūmi wādi wa “kufundija . . . ne kusapula myanda-miyampe.” (Mateo 4:23) Batwe balondi ba Yesu, tudi na mwingilo umo onka. Mu kino kipindi, tusa kwifunda’mo kimfwa kyandi kitulombola mwa kwingidila’o.