Bambutwile
Le i bubinga’ka bumobumo bwātūdile’ko Yehova busongi?
I muswelo’ka bambutwile obafwaninwe kumona babo bana?
Tala ne “Bana; Bankasampe”
-
Bimfwa bya mu Bible bibwanya kukukwasha:
-
Ngo 33:4, 5—Yakoba wamone bandi bana bu dyese ditamba kudi Yehova
-
Div 1:15, 16, 22; 2:1-4; 6:20—Ba Amalama ne Yokebedi ababutula Mosesa, kadi abatūla būmi bwabo mu kyaka pa kumukinga
-
Le i biselwa’ka bidi na bambutwile pa babo bana?
Kup 6:6, 7; 11:18, 19; Nki 22:6; 2Ko 12:14; 1Tm 5:8
-
Bimfwa bya mu Bible bibwanya kukukwasha:
-
1Sa 1:1-4—Elekana waenda na kisaka kyandi ku masobo a ku Shilo, walonga bukomo amba mwana ne mwana atanwe’ko
-
Luk 2:39, 41—Ba Yosefa ne Madia badi na kibidiji kya kwenda na babo bana kutamba ku Nazala kwenda ku Yelusalema mwanda wa kukatanwa ku masobo a Pashika
-
Lelo kufundija bana mashinda a Yehova kudi na kamweno’ka?
Tala ne 2Tm 3:14, 15
-
Bimfwa bya mu Bible bibwanya kukukwasha:
-
1Sa 2:18-21, 26; 3:19—Bambutwile ba Samwele abapāna wabo mwana amba akengile ku kipema, inoko abalonga bukomo bwa kukamupempula’ko kyaba ne kyaba mwanda wa kuvuija bisakibwa byandi; ne uno mwana watama ke muntu utendelwa ku mushipiditu
-
Luk 2:51, 52—Yesu wakōkela nyeke bambutwile bandi nansha byobadi bampikwa kubwaninina
-
Le i kwepi kubwanya kutana bambutwile madingi a mwa kulelela babo bana?
Kup 6:4-9; Ef 6:4; 2Tm 3:14-17
-
Bimfwa bya mu Bible bibwanya kukukwasha:
-
Bat 13:2-8—Manoa pobamulombola’mba wandi mukaji usa kubutula mwana mu kingelengele, walombe bamuludike mwa kulelela uno mwana
-
Ñi 78:3-8—Yehova usaka bambutwile bafundije babo bana myanda ya mu Bisonekwa yobadi nayo
-
Nansha shi mwana watamina mu kisaka kya bantu basenswe Yehova, le bibwanika atomboke ne kuleka kwingidila Yehova?
-
Bimfwa bya mu Bible bibwanya kukukwasha:
-
Ngo 6:1-5; Yud 6—Bana ba Leza bamo ba ku mushipiditu, nansha byobapityije myaka mivule momwa mūlu pamo na Yehova, ino abatonge kutomboka
-
1Sa 8:1-3—Nansha Samwele byadi mupolofeto wa kikōkeji ne moloke, ino bandi bana abaikala ba budimbidimbi ne boneke
-
Le i kitatyi’ka kifwaninwe bambutwile kushilula kufundija babo bana mashinda a Leza?
-
Bimfwa bya mu Bible bibwanya kukukwasha:
-
Kup 29:10-12, 29; 31:12; Eza 10:1—Mu bantu bādi bebunga kutōta ne kwifunda myanda ya Yehova mudi ne bana
-
Luk 2:41-52—Ba Yosefa ne Madia badi na kibidiji kya kusela babo bana, kubadila’mo ne Yesu, mwanda wa kwenda nabo ku masobo a Pashika ku tempelo ya mu Yelusalema
-
Le i bimfwa’ka bifwaninwe kulonda bambutwile pa kukinga babo bana ku boba bakimba kwibasanshija?
-
Bimfwa bya mu Bible bibwanya kukukwasha:
-
Div 19:4; Kup 32:11, 12—Yehova wedingakanya aye mwine na mukebo ulama, ukinga, kadi ukwatakanya twana twao
-
Isa 49:15—Yehova walaya kukinga ne kukwatakanya bantu bandi mu muswelo mupite enka ne wa mbutwile wamusha mwakingilanga wandi mwana wa lukeke
-
Mat 2:1-16—Satana wakimbe kwipaya Yesu paakidi mwana wa lukeke na kuludikila bantu babuka na ñenyenye kudi Mulopwe Heloda, ino Yehova wakinge Wandi mwana na kusoñanya Yosefa asele kisaka banyemene mu Edipito
-
Mat 23:37—Yesu wadingakanya kusaka kwasaka kukwasha bantu bandi na muswelo wikalanga ukinga nzolo twandi twana tutyetye mu mapapa andi
-
Mwanda waka bambutwile bafwaninwe kufundija babo bana myanda ya kusambakena pamo?
-
Bimfwa bya mu Bible bibwanya kukukwasha:
-
Lev 15:2, 3, 16, 18, 19; Kup 31:10-13—Bijila bya Mosesa binena patōkelela myanda itala kusambakena pamo, kadi Yehova wasoñanya bana batanwe’po patangwa bino bijila na diwi ditunduke
-
Ñi 139:13-16—Davida, kaimba wa mitōto, watendela Yehova pa mwanda wa kupanga kwapangile umbidi wa muntu mu muswelo wa kutendelwa, i kubadila’mo ne bipindi byao bya kwivudija nabyo
-
Nki 2:10-15—Buyuki ne tunangu bitamba kudi Yehova bibwanya kwitukinga ku bantu ba kyongo ne banena binyengakane
-
Mwanda waka bulemununi bufwaninwe kupānwa na buswe?
Nki 13:24; 29:17; Yel 30:11; Ef 6:4
Tala ne Ñi 25:8; 145:9; Kol 3:21
-
Bimfwa bya mu Bible bibwanya kukukwasha:
-
Ñi 32:1-5—Nansha Mulopwe Davida byawalēmenenwa na bulemununi butamba kudi Yehova, ino watūkijibwa mutyima pa kuyuka’mba Yehova ufwilanga lusa bya binebine boba besāsa bubi bwabo
-
Yon 4:1-11—Mupolofeto Yona wesambe na Yehova bya bulobo kadi kwampikwa bulēme; ino nansha nabya, Yehova wamufundija na kitūkijetyima myanda itala kwikala na lusa
-
Mwanda wa bika bulemununi bukokeja kumonwa bu kilomboji kya buswe?
Tala ne Nki 15:32; Kus 3:19