Kimfwa kya mu Bible kibwanya kukukwasha:

• Mus 12:​1-8—Mu muneneno wa lulumbi, Mulopwe Solomone walombola bulema bwiyanga potwenda tukudila’ko, kimfwa kubulwa kumona biyampe (“balolo batadila pa madidisha bamona’mba kufīta”) ne kubulwa kwivwana biyampe (“bana-bakaji bonso ba lwimbo bapungila bininge”)

Bimfwa bya mu Bible bibwanya kukukwasha:

• 1Sa 12:​2, 23—Mupolofeto mununu Samwele wamone amba i biyampe endelele kulombela pa mwanda wa bantu ba Yehova

• 2Sa 19:​31-39—Mulopwe Davida wafwija’ko bikatampe mununu Balezilai pa mwanda wa lulamato lwandi, kadi Balezilai wayuka mikalo yandi ne kupela kulonga bintu byakabwanyapo

• Ñi 71:​9, 18—Mulopwe Davida pa kwivwana moyo wa kubulwa kwingidijibwa mu bununu bwandi, wazenze Yehova amba kakimwela ino amupe bukomo amba afundije lukongo lulonda’ko myanda Yandi

• Luk 2:​36-38—Mupolofeto mukaji Ana i mukaji wa kishala mununu, waeselwa dyese pa mwanda wa kwipāna kwandi mu mwingilo ujila

Bimfwa bya mu Bible bibwanya kukukwasha:

• Ngo 12:​1-4—Abalahama aye papo na myaka 75, watambula mwingilo utamba kudi Yehova

• Dan 10:​11, 19; 12:13—Mwikeulu wakapempula mupolofeto Danyele, udi na kintu kya myaka 90 ne kupita, ne kumukulupija’mba i mulēme kudi Yehova ne amba usa kupalwa mpalo pa mwanda wa kikōkeji kyandi

• Luk 1:​5-13—Yehova waesela ba Zekadia ne Edisabeta, banunu, na kwibalongela kingelengele kya kubutula mwana wabo Yoano

• Luk 2:​25-35—Yehova wape Shimioni, mununu, dyese dya kumona mwana mutyetye ukekala ke Meshiasa; Shimioni wanena ne binenwa bya bupolofeto bya ku bukomo bwa mushipiditu padi uno mwana

• Bil 7:​23, 30-36—Mupolofeto Mosesa papo kadi na myaka 80 wapebwa mwingilo na Yehova wa kwikala mwendeji wa bantu bandi, bene Isalela

 Bimfwa bya mu Bible bibwanya kukukwasha:

• Ngo 45:​9-11; 47:12—Yosefa watume bakete shandi mununu Yakoba, kadi wamukwatakanya kufika ne ku lufu lwandi

• Lut 1:​14-17; 2:​2, 17, 18, 23—Luta wakwatakanya Naomi, mwana-mukaji mununu, mu binenwa ne mu bilongwa

• Yoa 19:​26, 27—Yesu papo kafu pa mutyi wa masusu, wapāna inandi amba bakamukwatakanye kudi Yoano, mutumibwa wandi wasenswe