Kwisāsa
Mwanda waka bantu bonso basakilwa kwisāsa ne kulomba kulekelwa na Yehova Leza?
Tala ne Bil 26:20
-
Bimfwa bya mu Bible bibwanya kukukwasha:
-
Luk 18:9-14—Yesu waleta kyelekejo kilombola’mba tufwaninwe kusaba bubi bwetu ne kulomba Leza etulekele
-
Lo 7:15-25—Nansha mutumibwa Polo byadi muntu wa lwitabijo lutendelwa, inoko i muvutakanibwe ñeni pa mwanda wa mutyima umutonwena ku kulonga bibi
-
Lelo i bika bitusokwela Bible pa muswelo wiivwananga Yehova pa boba bonso besāsa?
-
Bimfwa bya mu Bible bibwanya kukukwasha:
-
Luk 15:1-10—Yesu waleta kyelekejo kilombola’mba Yehova ne bamwikeulu basangalanga shi mubi wesāsa
-
Luk 19:1-10—Zakiasa, mukulu wa basonkeji ba musonko kadi wa manyengenyenge, wesāsa ne kushinta būmi bwandi, o mwanda wafwilwa lusa
-
Le tukalombola namani amba twi besāse bya binebine?
Le buyuki bwa bine bubwanya namani kukwasha yewa wesāsa bya binebine?
Lo 12:2; Kol 3:9, 10; 2Tm 2:25
-
Bimfwa bya mu Bible bibwanya kukukwasha:
-
Bil 17:29-31—Mutumibwa Polo washintulwila bene Atene kine kinenenwa’mba kutōta bankishi i kiyukeno kilombola kubulwa buyuki, o mwanda webazenze besāse
-
1Tm 1:12-15—Kumeso kwa mutumibwa Polo kutambula buyuki bwa binebine padi Yesu Kidishitu, wālongele bibi bivule mwanda kādipo na buyuki bwa binebine
-
Lelo kwisāsa kudi na mvubu’ka?
Mwanda waka tubwanya kukulupila’mba shi tubesāsa, Yehova uketufwila lusa nansha shi twalubile misunsa mivule mine?
Lelo Yehova umonanga namani boba besāsa bubi bwabo ne kushinta mwiendelejo wabo?
Tala ne “Kufwila Muntu Lusa”
Le tubayuka namani amba kwisāsa kulombanga bivule ke’nkapo kunena’tu amba, Yō bamfwile lusa, nansha kwialakanya?
2Bi 7:14; Nki 28:13; Ezk 18:30, 31; 33:14-16; Mat 3:8; Bil 3:19; 26:20
-
Bimfwa bya mu Bible bibwanya kukukwasha:
-
2Bi 33:1-6, 10-16—Nansha Mulopwe Manase byawalongele bubi bukatampe, ino wesāsa na kwityepeja aye mwine, na kulomba kyaba ne kyaba, kadi ne na kushinta mwiendelejo lwandi
-
Ñi 32:1-6; 51:1-4, 17—Mulopwe Davida walombola kwisāsa kwandi na kwialakanya bya binebine pa bubi bwandi bwaalubila Yehova, wasabe’bo kadi walombela
-
Shi boba betulubila abesāsa, mwanda waka tufwaninwe kwibalekela?
Mat 6:14, 15; 18:21, 22; Luk 17:3, 4
Tala ne “Lulekelo”