Kwisusa na Bakwabo
Shi muntu wetusanshija, mwanda waka ke biyampepo kuloba ne kwikala na kinongo?
Nki 20:22; 24:29; Lo 12:17, 18; Yak 1:19, 20; 1Pe 3:8, 9
-
Bimfwa bya mu Bible bibwanya kukukwasha:
-
1Sa 25:9-13, 23-35—Nabalu paatuka Davida ne bantu bandi kadi wapele kwibapa bukwashi, Davida wakwata butyibi na kitumbuzaji bwa kwipaya bana-balume bonso ba mu ino njibo, inoko madingi a tunangu a Abikele abakwasha Davida aleke kupya mambo a kumwanga mashi
-
Nki 24:17-20—Mulopwe Solomone, na bukwashi bwa mushipiditu ujila, wadyumuna bantu ba Leza amba Yehova ufītwanga shi batwe tusangala kitatyi kisusuka balwana netu, ino i biyampe kushiya myanda mu makasa a Yehova, mwine ukatyiba mobyolokele
-
Shi mwine Kidishitu wepotomeja na mukwabo, le i biyampe amufikile ne kuleka kupwana nandi?
Lev 19:17, 18; 1Ko 13:4, 5; Ef 4:26
-
Kimfwa kya mu Bible kibwanya kukukwasha:
-
Mat 5:23, 24—Yesu washintulula’mba tufwaninwe kulonga byonso byotubwanya mwanda wa kulonga ndoe na mwanetu witulubīle
-
Le i kilongwa’ka kya buswe kyotufwaninwe kulonga shi muntu kampanda wetusanshija?
Mwanda waka tufwaninwe kufwila lusa enka ne boba betulubile misunsa mivule inoko abesāsa?
Shi mwanda otulubilwe i mukatampe oketubwanyapo kwilwa—kimfwa mwikadile lubabo ne manyengenyenge—le i ani ufwaninwe kukesamba na yewa ulubilañene, ne i kitungo’ka kyafwaninwe kwikala nakyo pakesamba nandi?
Shi yewa witubabile nansha witudidīle bintu na manyengenyenge wapele kwitabija potwisamba nandi, i bika byotufwaninwe kulonga?