Madingi
Kudingilañana
Mwanda waka i biyampe bidi kuteja, kuyuka bubine bonso, kwivwana mitamba yonso ibidi kumeso kwa kupāna madingi?
Tala ne Nki 25:8
-
Bimfwa bya mu Bible bibwanya kukukwasha:
-
1Sa 1:9-16—Edi, Kitobo Mukatampe, wape Hana madingi malobo kumeso kwa kuyuka myanda yonso, na kumufwatakenya’mba i mukolwe
-
Mat 16:21-23—Mutumibwa Petelo wafunina Yesu, kadi madingi andi adi a kuvuija tumweno twa Satana pa kyaba kya twa Yehova
-
Mwanda waka i biyampe tulombe buludiki kudi Yehova kumeso kwa kupāna madingi?
Ñi 32:8; 73:23, 24; Nki 3:5, 6
-
Bimfwa bya mu Bible bibwanya kukukwasha:
-
Div 3:13-18—Mupolofeto Mosesa walombe Yehova amulombole muswelo muyampe wa kulondolola bipangujo bibwanya bene Isalela kumwipangula
-
1Ba 3:5-12—Mulopwe nkasampe Solomone walombe Yehova tunangu pa kyaba kya kwikulupila aye mwine, ne kino kibalengeja Yehova amwesele bininge
-
Mwanda waka madingi etu afwaninwe kwimanina bininge pa Kinenwa kya Leza?
Ñi 119:24, 105; Nki 19:21; 2Tm 3:16, 17
Tala ne Kup 17:18-20
-
Bimfwa bya mu Bible bibwanya kukukwasha:
-
Mat 4:1-11—Yesu pawatompwa na Satana, walondolola mungya Kinenwa kya Leza pa kyaba kya kulonda tunangu twa aye mwine
-
Yoa 12:49, 50—Yesu washintulula’mba byonso byafundija, wibitambijanga mu byobya byamufundije Shandi, ne kino i kimfwa kiyampe kotudi
-
Potudingilañana, mwanda waka i biyampe kwikala batūkanye ne kufwija’ko na mutyima umo ponso pobibwanika?
Tala ne Isa 9:6; 42:1-3; Mat 11:28, 29
-
Bimfwa bya mu Bible bibwanya kukukwasha:
-
2Bi 19:2, 3—Yehova walemununa Mulopwe Yehoshafata kupityila kudi mukendi wandi, ino wamufwija’ko pa bintu biyampe byalongele
-
Kus 2:1-4, 8, 9, 12-14, 18-20—Yesu wafwija’ko divule dine bipwilo kumeso kwa kwibipa madingi
-
Shi mwine Kidishitu waiya kutompola kotudi pa mwanda wa mwine Kidishitu mukwabo walanga’mba wamulubīle, kimfwa na kumulongela budimbidimbi nansha na kumubāba, mwanda waka i biyampe kumukankamika ende bidi akesambe pa bunka bwandi na mwine umulubīle’wa?
Tala ne Lev 19:17
Le ukakankamika namani mwine Kidishitu ulubīlwe ekale na lusa, kitūkijetyima, ne kulekela?
Mat 18:21, 22; Mak 11:25; Luk 6:36; Ef 4:32; Kol 3:13
Tala ne Mat 6:14; 1Ko 6:1-8; 1Pe 3:8, 9
-
Kimfwa kya mu Bible kibwanya kukukwasha:
-
Mat 18:23-35—Yesu waleta kyelekejo kitenga mutyima kilombola mwanda waka i kya mvubu kotudi kulekelañana
-
Mwanda waka tufwaninwe kukwatakanya mbila ya peulu ya Yehova potupāna madingi?
Ñi 141:5; Nki 17:10; 2Ko 7:8-11
-
Bimfwa bya mu Bible bibwanya kukukwasha:
-
1Sa 15:23-29—Mupolofeto Samwele wapele kuzakajibwa na Mulopwe Solo
-
1Ba 22:19-28—Mupolofeto Mikaya wapele kushinta musapu wandi wa kidyumu kudi Mulopwe Ahaba, nansha byasusulwa bibibibi ne kuzakajibwa
-
Le tubwanya namani kudingila muntu pampikwa kumusanshija ku mushipiditu?
-
Bimfwa bya mu Bible bibwanya kukukwasha:
-
Luk 22:31-34—Yesu walombola kikulupiji kyandi amba nansha mutumibwa Petelo byawalonga bilubo bikatampe, ukabwanya kukomeja bakwabo
-
Fil 21—Mutumibwa Polo walombola kikulupiji kyandi mudi Filemone amba ukalonda madingi atamba kudi Leza
-
Le tukalombola namani kanye potudingila boba bavutakanibwe ñeni nansha batyumukilwe mutyima?
Le tukalombola namani amba kitungo kyetu i kya kukwasha ne kujokeja yewa ulubile?
Le tukapa namani bulēme muntu otudingila, ekale wa myaka’ka, mwana-mulume nansha mwana-mukaji?
Mwanda waka kyaba kimokimo bakumbi badingilanga na kusumininwa yewa upela madingi a mu Bible?
Kudingilwa
Mwanda waka tufwaninwe kukimba madingi emanine pa Bible?
Mwanda waka i biyampe kuteja madingi pa kyaba kya kukimba kwibingija?
Tala ne Nki 1:23-31; 15:31
-
Bimfwa bya mu Bible bibwanya kukukwasha:
-
1Sa 15:3, 9-23—Mupolofeto Samwele pa kupa Mulopwe Solo madingi, uno mulopwe weapele ne kwibingija aye mwine; ne kino kibalengeja Yehova nandi amupele
-
2Bi 25:14-16, 27—Mulopwe Amazia walonga bubi kadi wapele madingi a bulemununi atamba kudi mupolofeto wa Yehova; ne kino kibalengeja Yehova nandi amupele
-
Mwanda waka tulēmeke batadi betupa madingi?
1Ts 5:12; 1Tm 5:17; Bah 13:7, 17
-
Kimfwa kya mu Bible kibwanya kukukwasha:
-
3Yo 9, 10—Mutumibwa mununu Yoano watopeka Deotefese pa muswelo wakalēmekelepo boba batangidile mu kipwilo kya bwine Kidishitu
-
Mwanda waka i biyampe kuteja banunu?
Tala ne Yob 12:12; 32:7; Tet 2:3-5
-
Bimfwa bya mu Bible bibwanya kukukwasha:
-
1Sa 23:16-18—Mulopwe Davida wateje madingi atamba kudi Yonafane umukudīle ku kintu kya myaka 30, ne ano madingi abamukomeja
-
1Ba 12:1-17—Mulopwe Lehaboma wapele madingi a bujalale amupa banunu, ino wateje’ko madingi a kasumalomo amupa bansongwalume, ne kino kibamutwala ku musala
-
Le i bika bilombola’mba bana-bakaji ba kikōkeji ne bengidi ba Yehova bankasampe babwanya kuleta madingi a kamweno?
Yob 32:6, 9, 10; Nki 31:1, 10, 26; Mus 4:13
Tala ne Ñi 119:100
-
Bimfwa bya mu Bible bibwanya kukukwasha:
-
1Sa 25:14-35—Abikele wape Mulopwe Davida madingi apandija būmi bwa bavule bene ne kukinga uno mulopwe ku kumwanga mashi
-
2Sa 20:15-22—Mwana-mukaji wa tunangu wa mu kibundi kya Abele wapandija kibundi kyonso kituntulu na madingi andi
-
2Ba 5:1-14—Nkasampe mwana-mukaji mwine Isalela waleta milangwe yalengeja mukata umo wa kibumbo kya divita abelulwe makopo
-
Mwanda waka tufwaninwe kudyumuka madingi a boba kebalēmekelepo Yehova nansha Kinenwa kyandi?
Tala ne Luk 6:39
-
Bimfwa bya mu Bible bibwanya kukukwasha:
-
1Bi 10:13, 14—Mulopwe Solo wakepangula ubuka na bibanda pa kyaba kya kwipangula Yehova, kuno kubulwa kikōkeji kwandi kubamwipaija
-
2Bi 22:2-5, 9—Mulopwe Ahazia watonge badingidi babi ne kino kibamwipaija
-
Yob 21:7, 14-16—Yoba wapele milangwe ya boba bonso kebalēmekelepo Yehova
-