Maludiki
Le i ku buludiki’ka kulamete bene Kidishitu ba bine na mutyima umo ne kobakōkele?
Tala ne Dan 7:13, 14
-
Bimfwa bya mu Bible bibwanya kukukwasha:
-
Ñi 89:18-29—Meshiasa Mulopwe watelwa bu wapebwa lupusa na Leza lupityile lwa balopwe bonso
-
Kus 12:7-12—Ku ngalwilo kwa mafuku a mfulo, Meshiasa Mulopwe washilula kuludika kadi Satana wapangwa mūlu
-
Lelo balondi bashingwe māni ba Kidishitu badi na mwingilo’ka mu Bulopwe bwa Leza?
Bene Kidishitu balēmekele ba lupusa ba ino ntanda
Mwanda waka tukōkelanga bijila bya ntanda ne kufuta musonko?
Lo 13:1-7; Tet 3:1; 1Pe 2:13, 14
Tala ne Bil 25:8
-
Kimfwa kya mu Bible kibwanya kukukwasha:
-
Mat 22:15-22—Yesu walondolola na tunangu tonso kipangujo kya kuyuka shi balondi bandi bafwaninwe kusonka musonko
-
Mwanda waka ketujokejangapo kinongo enka ne pobetupangapanga?
Tala ne “Kupangwapangwa”
Bene Kidishitu kebekujanga’mopo
Mwanda waka bene Kidishitu bapelanga na bulēme kujilula bijila bya Yehova Leza nansha shi ba lupusa ba ino ntanda abebalombe kujilula’byo?
-
Bimfwa bya mu Bible bibwanya kukukwasha:
-
Dan 3:1, 4-18—Bankasampe basatu Bahebelu abapele kukōkela kijila kya bene Babiloni mwanda kijilulanga kijila kya Leza
-
Dan 6:6-10—Mupolofeto mununu Danyele wapele kukōkela kijila kya ba lupusa kimupeleja kulombela kudi Leza
-
Lelo Yesu i mushile balondi bandi kimfwa’ka mu mwanda utala kuleka kwikuja mu maludiki a bantu?
Le bijila bya Leza bipeleja kutōta bilezaleza bikwashanga namani bene Kidishitu baleke kwikuja mu bya ntanda?
Le i misoñanya’ka ya mu Bible ibwanya kukwasha bene Kidishitu bobaningila kwenda ku bulwi?
Tala ne Ñi 11:5
-
Bimfwa bya mu Bible bibwanya kukukwasha:
-
Mat 26:50-52—Yesu walombola patōkelela’mba balondi bandi kebakeelapo mu mavita a ino ntanda
-
Yoa 13:34, 35—Mwine Kidishitu ubwanya kwiipangula’mba, ‘Le nkakōkela namani musoñanya wa Yesu shi nasela buta ne kwenda kulwa na ba mu ntanda mikwabo, padi’nka ne kwipaya’mo batutu ne bakaka?’
-
Mwanda waka bene Kidishitu bapelanga kutankuka pamo na boba batankukila maludiki a ino ntanda?
Mwanda waka bene Kidishitu dyalelo kebafwaninwepo kutulumuka shi abasambilwa bya bubela amba bakimbanga kuponeja maludiki kadi bavutakanyanga ndoe?
-
Kimfwa kya mu Bible kibwanya kukukwasha:
-
Bil 16:19-23—Ba mutumibwa Polo ne Shilasa abasusulwa pa mwanda wa mwingilo wabo wa busapudi
-