KAPANGO KA BUFUNDIJI 20A
Kwabanya Ntanda
Kutelwa kutelelwe mikalo mipimwe senene kwākulupije misungi amba ntanda yabo yobasenswe ikajokejibwa lonso. Le i ñeni’ka yotubwanya kuboila ku kino kimonwa dyalelo? Tala myanda ibidi ya kino kimonwa:
Kifuko kya mutyima-ntenke ne mwingilo mulēme
Muntu yense mu bukata mwa misungi mijokejibwe wādi na bupyani mu Ntanda ya Mulao mijokejibwe. Ne dyalelo nadyo mo monka, mu paladisa ya ku mushipiditu mudi kifuko kya mwingidi yense wa Yehova. Nansha shi tudi na mwingilo’ka mu bulongolodi, tudi na kifuko kya mutyima-ntenke ne mwingilo mulēme mu ntanda ya ku mushipiditu. Kudi Yehova, bengidi bandi bonso i balēme mu muswelo umo.
Kwabanya mu muswelo umo
Mu kimonwa kya Ezekyele, kipindi kyonso kya ntanda mu Ntanda ya Mulao mijokejibwe kyādi kipa bekadi bakyo bintu bingibingi bya ntanda bya muswelo umo. Ne dyalelo nadyo mo monka, Yehova i mupe bengidi bandi bonso madyese a muswelo umo mu paladisa ya ku mushipiditu.