MU 1 919 mwafikidile bupolofeto bubidi bukwatañane: bumo bwa “mikupa myūmu,” bukwabo nabo bwa “batumoni . . . babidi.” Kimonwa kya “mikupa myūmu” i kilaye kitatyi kilampe bininge (kyalongele myaka tutwa na tutwa) kine kifudile na kwikala monka bōmi kwa kisumpi kikatampe kya bantu ba Leza. (Ezk. 37:2-4; Kus. 11:1-3, 7-13) Bupolofeto bwa “batumoni . . . babidi” bulombola kitatyi kīpi (kyafikidile tamba dya ku mfulo kwa 1 914 kutūla ne ku ngalwilo kwa 1919) kine kifula na kwikala monka bōmi kwa kisumpi kityetye kya bengidi ba Leza. Buno bupolofeto bonso bubidi bwādi bufunkila pa lusangukilo lwa kyelekejo, kadi bonso bubidi bwafikidile mu ano etu mafuku mu 1919 kitatyi kyalengeje Yehova bengidi bandi bashingwe māni ‘bemane na maulu abo,’ na kutamba mu bumisungi mu Babiloni Mukatampe, ne kubungilwa pamo mu kipwilo kijokejibwe.​—Ezk. 37:10.

Ino yuka’mba kufikidila kwa buno bupolofeto bubidi i kwishile mu muswelo wa mvubu. Bupolofeto bwa “mikupa myūmu” i bulaye kwikala monka bōmi kwa bashingwe māni bonso bashele’ko. Inoko, bupolofeto bwa “batumoni . . . babidi” i bulaye kwikala monka bōmi kwa bashingwe māni bamobamo ba Leza bashele’ko​—boba badi batangidile kumeso mu bulongolodi kadi badi batongelwe bu “umpika mukōkele ne mudyumuke.”​—Mat. 24:45; Kus. 11:6. *

1. PA KUPWA KWA 100 Y.M.

   Tamba mu myaka ya katwa ka bubidi Y.M. ne kwenda kumeso pāipailwe mu muswelo wa kyelekejo kipwilo kya bene Kidishitu bashingwe māni, “dilungu dya musanza” dyayudile “mikupa”

2. KU NGALWILO KWA 1919

   1919: “Mikupa myūmu” yaikele monka myūmi kitatyi kyalengeje Yehova bashingwe māni bonso batambe mu Babiloni Mukatampe ne kubungakanibwa mu kipwilo kijokejibwe

1. KU MFULO KWA 1914

   basapula “bavwele masāka”

   1914: “Batumoni . . . babidi” basapwile “bavwele masāka” mu bula bwa myaka isatu ne kipindi. Ku mfulo kwa kino kitatyi, baipailwe mu muswelo wa kyelekejo

2. kufwa kwa kyelekejo

3. KU NGALWILO KWA 1919

   1919: “Batumoni . . . babidi” baikele monka bōmi kitatyi kyatongelwe kisumpi kityetye kya batutu bashingwe māni badi batangidile kumeso mu bulongolodi bu “umpika mukōkele ne mudyumuke”