Nyemena ku nsulo ikulupilwa. Byonena bifwaninwe kutamba mu Kinenwa kya Leza, shi bibwanika tanga’nka mu Bible. Shi wisambila pa mwanda wa sianse, pa mapya, pa mwanda mumweke, nansha bubinga bukwabo bubingija mwanda’wa, bandaula kumeso kwa kitatyi shi nsulo yonyemene’ko i ikulupilwa kadi ya panopano.

Ingidija nsulo biyampe. Ingidija bisonekwa kukwatañana na myanda idi kūlu ne kunshi, na musapu onso wa mu Bible, ne na mabuku a “umpika mukōkele ne mudyumuke.” (Mat. 24:45) Ingidija bitabo bya ino ntanda kukwatañana na bilembwa bibajinjibajinji ne milangwe mine ya mulembi.

Langulukila pa bubinga. Shi ubapu kutanga kisonekwa nansha kutela nsulo kampanda, ipangula bipangujo na bunwa nansha kuleta kyelekejo pa mwanda’wa amba ukwashe bevwaniki bobe bafule ku mulangwe muyampe abo bene.