KIPINDI 2
Dilobe Kutūla ku Kunyongololwa mu Edipito
I enka bantu mwanda kete bāpandile ku Dilobe, inoko mwenda mafuku kibalwa kya bantu kyēlundile’ko, bāikala tununu ne tununu. Kupwa kwa myaka 352 kupwa kwa Dilobe, Abalahama wābutulwa. Tukamona mwāfikidije Leza mulao wandi na kupa Abalahama mwana mwana-mulume witwa bu Isake. Ebiya mu bana babidi ba Isake, Leza wātonga’mo Yakoba.
Yakoba wādi na kisaka kikatampe kya bana bana-balume 12 ne bana bana-bakaji. Bana 10 ba Yakoba bāshikilwe mwanabo nkasampe Yosefa, o mwanda bāmupoteje mu bupika mu Edipito. Mafuku pa kupita’po Yosefa wāikala ke muludiki mukatampe mu Edipito. Pāikele’ko kipupo kya nzala, Yosefa wātompa batutu wandi mwanda wa kuyuka shi abaalamuka pa mutyima. Kupwa, kisaka kya Yakoba, ko kunena’mba Bene Isalela, kyāvilukila mu Edipito. Byonso bino byālongekele myaka 290 kupwa kwa Abalahama kubutulwa.
Bene Isalela bāshikete mu Edipito mu bula bwa myaka 215 yālondele’po. Kupwa Yosefa wāfwa, bāikala ke bapika mu yoya ntanda’ya. Mwenda mafuku, Mosesa wābutulwa, kadi Leza wāmwingidija mwanda wa kunyongolola Bene Isalela mu Edipito. Mu kino KIPINDI 2 mudi mānga yālongekele umbula mwa myaka 857.
MU KINO KIPINDI
MĀNGA YA 12
Bantu Abaūbaka Kiteba Kikatakata
Leza kāsangelepo, kadi mfuto yaāletele ikidi na lupusa pa bantu ne ditema dino.
MĀNGA YA 13
Abalahama—Mulunda na Leza
Mwanda waka Abalahama wāshile kifuko kyandi kilumbuluke wākapityija būmi bwandi mu mapema?
MĀNGA YA 14
Leza Watompa Lwitabijo lwa Abalahama
Mwanda waka Leza wānenene Abalahama alambule wandi mwana Izake?
MĀNGA YA 16
Isake Wasonge Mukaji Muyampe
Le i bika byālengeje Lebeka ekale mukaji muyampe? Le i buya bwa mpala’ni, i kintu kikwabo?
MĀNGA YA 17
Bana ba Mapasa Bashalañane
Shabo Izake wādi usenswe Esau bininge, ino inabo Lebeka wādi usenswe Yakoba bininge.
MĀNGA YA 19
Yakoba Udi na Kisaka Kikatampe
Le bisaka 12 bya Isalela i bisele majina a bana 12 ba Yakoba bana-balume?
MĀNGA YA 22
Yosefa Waelwa mu Kifungo
Wakutwe, ke kunenapo amba kudi kyajilwile, ino i mwanda walonga byoloke.
MĀNGA YA 23
Bilotwa bya Felo
Bañombe basamba-babidi ne bisansa bya miseke bisamba-bibidi bidi na myanda miifwane.
MĀNGA YA 24
Yosefa Watompa Banababo
Le Yosefa ukayuka namani amba abaalamuka tamba kitatyi kyobamupoteje bu umpika?
MĀNGA YA 25
Kisaka Kibavilukila ku Edipito
Mwanda waka bantu ba mu kisaka kya Yakoba betwanga bu bene Isalela pa kyaba kya bu bene Yakoba?
MĀNGA YA 26
Yoba Udi na Kikōkeji Kudi Leza
Yoba wājimije bupeta, bukomo, ne bandi bana bonso. Le i Leza wādi umupa mfuto?
MĀNGA YA 27
Mulopwe Mubi Wabikala pa Edipito
Mwanda waka Felo wālombwele bandi bantu bepaye bana ba lukeke bana-balume ba bene Isalela?
MĀNGA YA 28
Mwapandila Mosesa Mwana wa Lukeke
Inandi wakwata ñeni ya kukonkoloka kijila kinena’mba bana bonso ba lukeke bana-balume ba bene Isalela bafwaninwe kwipaibwa.
MĀNGA YA 29
Kyanyemena Mosesa
Mosesa wālangile amba i mubwanye byonso mwa kukūdila bene Isalela paādi na myaka 40, ino kādipo mubwanye.
MĀNGA YA 30
Kimuna Kitēma Mudilo
Leza walonga bingelengele palapala, kupwa wasapwila Mosesa amba kitatyi kya kutambija bene Isalela mu Edipito kibabwana.
MĀNGA YA 31
Mosesa ne Alone Abakamone Felo
Mwanda waka Felo kevwenepo Mosesa kadi kalekelelepo bene Isalela?
MĀNGA YA 32
Mpupo 10
Leza wāletele byamalwa 10 pa Edipito, byonso bino mwanda Felo mulopwe wa Edipito wāpelele na kibengo kulekelela bene Isalela bende.
MĀNGA YA 33
Kwabuka Kalunga Katyila
Mosesa waabanya Kalunga Katyila na bukomo bwa Leza. Bene Isalela abaabuka pa nshi myūmu.