KIPINDI 3
Kunyongololwa mu Edipito Kutūla ku Mulopwe Umbajinji wa Isalela
Mosesa wālupwile Bene Isalela umbupika mu Edipito wēbatwala ku Lūlu lwa Shinai, kwēbapele Leza bijila byandi. Kupwa, Mosesa wātuma bana-balume 12 bakabele ntanda ya Kenani. Ino 10 umbukata mwabo bāletele musapu umbi. Bālengeje bantu banze kukimba kujokela mu Edipito. Bene Isalela pa kubulwa lwitabijo, Leza wēbapa mfuto ya kulumbakana myaka 40 mu ntanda mutuputupu.
Ku mfulo, Yoshua wātongwa kukatweja Bene Isalela mu ntanda ya Kenani. Yehova wālongele bingelengele mwanda wa kwibakwasha banyongolole ntanda. Wāimikile mema a Munonga wa Yodano, wābundula nsakwa ya Yediko, kadi wāimika dyuba difuku dituntulu. Myaka isamba kupita’po, ntanda yānyongololwa ku makasa a Bene Kenani.
Kwalwila padi Yoshua, Isalela wāludikilwe na batyibi umbula bwa myaka 356. Tusa kwifunda mānga ya bavule umbukata mwabo, kwela’mo ne Balaka, Ngideoni, Yefeta, Samishoni ne Samwele. Kadi tusa kutanga ne mānga ya bana-bakaji; kimfwa Lehaba, Debola, Yaile, Luta, Naomi ne Dedila. Kino KIPINDI 3 kiselele mānga yālongekele mu bula bwa myaka 396.
MU KINO KIPINDI
MĀNGA YA 34
Bidibwa bya Muswelo Ungi Mupya
Bino bidibwa bya pa bula bitamba kudi Leza bibapone mūlu.
MĀNGA YA 36
Kyana kya Ñombe kya Nsahabu
Mwanda waka bantu bātōtele nkishi mulongwe na byuma bya ku matwi bisungululwe?
MĀNGA YA 38
Batubedibedi 12
Batubedibedi dikumi abanena muswelo umo, ino babidi abanena bishile na byabo. Le bene Isalela abaitabija bya bāni?
MĀNGA YA 39
Mukombo wa Alone Ubamena Maluba
Le bibwanika namani mutyi mūmu umene maluba ne bipa byele mu bufuku bumo?
MĀNGA YA 44
Lehaba Wafi Batubedibedi
Le Lehaba wakwasha namani bana-balume babidi, ne walombe bamulongele bika?
MĀNGA YA 48
Bene Ngibeone Badyumuke
Abadimbe Yoshua ne bene Isalela amba bebatyipile mutyipo, ino bene Isalela abalama mutyipo wabo.
MĀNGA YA 49
Dyuba Dibaimana
Yehova wālongēle Yoshua kintu kyakalongelepo dibajinji kadi kekilongele monka tamba pene’pa.
MĀNGA YA 50
Bana-Bakaji Babidi Bakankamane
Balaka waludika kibumbo kya divita kya Isalela mu bulwi, ino mwanda waka bulwi bubatumbila Yaele?
MĀNGA YA 52
Ngideoni ne Bana-Balume 300
Leza wātongele bantu ba kushala mu kibumbo kityetye kya divita na kwingidija ditompo dishile na onso dya kutoma mema.
MĀNGA YA 53
Mutyipo wa Yefeta
Mutyipo wandi kewādipo umutala bunka bwandi, ino i ne wandi mwana mwana-mukaji mwine.
MĀNGA YA 54
Mwana-Mulume wa Bukomo Kupita Bonso
Le Dedila wāyukile namani pene pafyeme bukomo bwa Samishoni?
MĀNGA YA 55
Mwanuke Mwana-Mulume Wingidila Leza
Leza waingidija nkasampe Samwele asapwile Kitobo Mukatampe Edi musapu usansa.