KIPINDI 54
Kuselwa bu Misungi mu Babiloni Kutūla ku Kūbakululwa kwa Nsakwa ya Yelusalema
Bene Isalela pobādi bu bapika mu Babiloni, bātenwe na matompo mavule pa mwanda wa lwitabijo lwabo. Ba Shadelake, Meshake ne Abedenengo bāelelwe mu nkelwa ya mudilo, ino Leza wēbatambija’mo bōmi. Mwenda mafuku, kupwa kwa kutyumunwa kwa Babiloni na Bene Mede ne Bene Peleshia, Danyele wāelwa mu muta wa bantambo, ino Leza wāmulama na kumuma byakanwa bya bantambo.
Ku mfulo, Shilusa mulopwe wa Peleshia wākutulula Bene Isalela. Bākajokela mu ntanda yabo kupwa kwa myaka 70 tamba pobāselelwe bu misungi mu Babiloni. Kintu kibajinji kyobālongele pa kujokela mu Yelusalema, i kūbaka tempelo ya Yehova. Ino lubilo lonka balwana bāimika mwingilo wabo. O mwanda bāvuile tempelo kupwa kwa myaka 22 tamba pobājokele mu Yelusalema.
Kupwa tukefunda mwanda utala kujokela kwa Ezela mu Yelusalema mwanda wa kuneñenya tempelo. Papo ke papite kubwipi kwa myaka 47 tamba tempelo ipwa. Kupwa, myaka 13 Ezela ke mujoke, Nehemia wāubakulula nsakwa ya Yelusalema yābundwilwe. KIPINDI 5 kidi na mānga yāpityile mu myaka 152 ya mu kine kitatyi’kya.
MU KINO KIPINDI
MĀNGA YA 77
Abapele Kwivukwila
Le Leza usa kupandija bana bankasampe basatu ba kikōkeji mu nkelwa dya mudilo?
MĀNGA YA 79
Danyele mu Muta wa Bantambo
Danyele wātyibilwe nsambu ya lufu, ino le wadi ubwanya kwiyepuka?
MĀNGA YA 80
Bantu ba Leza Abatambe mu Babiloni
Mulopwe Shilusa wāfikidije bupolofeto paākukwata Babiloni, pano kadi wafikidija bukwabo.
MĀNGA YA 81
Kukulupila mu Bukwashi bwa Leza
Bene Isalela abatyumuna bijila bya bantu mwanda wa kukōkela Leza. Le Leza ukebesela?
MĀNGA YA 82
Modekai ne Eseta
Vashiti muntwabene mupopoke, ino Mulopwe Ahaswelusa wamupingakanya na Eseta ke muntwabene. Mwanda?
MĀNGA YA 83
Nsakwa ya Yelusalema
Bōbakulula nsakwa, koku kadi bakwete bipete ne mikobe dyuba ne bufuku.
