KIPINDI 8
Byonso Bilaya Bible Bifikidilanga
Bible kadipo’nka na mānga ya bine ya bintu byāpityile kala, ino ulombolanga ne bikāya mu mafuku a kumeso. Bantu kebakokejapo kunena bintu bya mafuku a kumeso. O mwanda tuyukile’mba Bible i mutambe kwa Leza. I bika binena Bible pa mwanda utala mafuku a kumeso?
Wisambilanga pa divita dikatampe dya Leza. Leza ukatalulanga bubi bonso pano pa ntanda ne bantu babi ku dino divita, inoko ukapandijanga boba bamwingidila. Yesu Kidishitu, mulopwe ubikikilwe na Leza, ukapa bengidi ba Leza ndoe ne nsangaji, kadi kebakabelapo nansha kufwa monka.
Bine, tufwaninwe kusangala mwanda Leza ukatūlanga’ko paladisa impya pano pa ntanda, mwene i amo? Inoko tufwaninwe kulonga kintu kampanda mwanda wa kukekala mu ino paladisa. Mu mānga ya mfulo ya dibuku, tukefunda’mo kintu kyotufwaninwe kulonga mwanda wa kutambula bintu bya kutendelwa bibikile Leza mwanda wa boba bamwingidila. Shi ke pano, tanga KIPINDI 8, usa kuyuka binena Bible pa mwanda utala mafuku a kumeso.
MU KINO KIPINDI
MĀNGA YA 114
Mfulo ya Bibi Byonso
Mwanda waka Leza watume kibumbo kyandi kya bulwi kiludikwa na Yesu kwiya kulwa pa Amakedona?
MĀNGA YA 115
Paladisa Impya Pano pa Ntanda
Bantu bāshikete mu paladisa pano pa ntanda, kadi isa kwikala’ko monka.
MĀNGA YA 116
Muswelo Otukokeja Kwikala na Būmi bwa Nyeke
Le kuyuka myanda itala Yehova Leza ne Yesu Kidishitu kubwene? Shi ke amopo, le i bika bikwabo bisakilwa?