Bible witusapwila’mba kudi bantu bavule ba ku mushipiditu. Yehova aye mwine i mushipiditu.​—Yoano 4:24; 2 Kodinda 3:17, 18.

Kwādi kitatyi kimo kyādi Yehova bunka mu umbuo wa diūlu ne ntanda. Penepo wāshilula kupanga bantu ba ku mushipiditu betwa bu bamwikeulu. Abo badi na bukomo buvule ne ñeni mivule kutabukako ya bantu ba pano pantanda. Yehova wāpangile bamwikeulu bavule; Danyele, mwingidi wa Leza, wāmwene mu kimonwa, midiyo katwa ya bamwikeulu.​—Danyele 7:10; Bahebelu 1:7.

Bano bamwikeulu bāpangilwe na Leza kumeso kwa aye kulonga ntanda. (Yoba 38:4-7) I kutupu nansha umo umbukata mwabo wādiko pano pantanda kupwa wafwa.