Bulunda i buswe. Shi wifunda bivule bya kuyuka Yehova, buswe bomuswele nabo bukekala bukatampe. Abo buswe boswele Leza bwenda buloa, ne mutyima wa kumwingidila nao wenda utama. Kino kikakutonona kwikala mwanā-bwanga wa Yesu Kidishitu. (Mateo 28:19) Shi wilunge na kisaka kya nsangaji kya Batumoni ba Yehova, bulunda bwenu na Leza bukendelela nyeke ne nyekeke. Lelo i bika byofwaninwe kulonga?

Ufwaninwe kulombola buswe boswele Leza na kukōkela ku bijila byandi. “Buno namino bo buswe bwa Leza, amba tulame mbila yandi; kadi mbila yandi ke ilēmapo.”—Yoano 5:3, NW.

Ingidija byowifunda. Yesu wāletele kifwa kibingija uno mwanda. Amba muntu umo wa tunangu wāubakile njibo yandi pa dibwe. Ino mwendalale wāubaka yandi pa musenga. Kimpumpu pa kwiya, njibo yāubakilwe pa dibwe yāshala imene, kupona’yo mpika, ino njibo yāubakilwe pa musenga yāpona panshi kakangabanga. Yesu wānene amba boba bevwana bufundiji bwandi ne kulongela monka badi pamo bwa muntu wa tunangu wāubakile pa dibwe. Ino boba bevwana bufundiji bwandi ne kulongela monka mpika, badi bwa muntu mwendalale wāubakile pa musenga. Le abe usaka kwikala bwa ani pa bano babidi?—Mateo 7:24-27.

 Kwipāna. Kwipāna i kwifwenya kudi Yehova mu milombelo, komusapwila amba kyosaka i kulonga kiswa-mutyima kyandi nyeke ne nyeke. Kulonga kiswa-mutyima kya Leza ko kukalombola amba wi mwanā-bwanga wa Yesu Kidishitu.—Mateo 11:29.

Lubatyijo. “Imana ubatijibwe, oijibwe bubi bobe poita [pa] dijina dyandi.”—Bilongwa 22:16, MB.

Wipāne abe yense mu kwingidila Leza. “Umbyonso byo mulonga, mwikale kwibīngila ne mutyima onso monka, pamo bwa kudi Mfumwetu, kekudi bantupo, mhm.”—Kolose 3:23.