Ntwelelo ya Kipindi 7
Kino kipindi kisambila pa mānga ya Mulopwe Solo ne Mulopwe Davida, ya mu bula bwa myaka isenselela ku 80. Ku ngalwilo, Solo wādi muntu mwityepeje kadi utyina Leza, ino ne kwija kwine mpika Solo wāshinta kapele kulonda bwendeji bwa Yehova. Yehova nandi wāmupela, ne mwenda mafuku, Yehova wāsoñanya Samwele ashinge Davida māni bu mulopwe wa kupingakena Solo pa Isalela. Solo wa mukao wākimbile misunsa mivule kwipaya Davida, inoko Davida kāalwijepo kinongo. Yonafane, mwanā Solo wāyukile’mba Yehova watonge Davida, o mwanda wālamete Davida. Davida wālongele ne bubi bukatampe, inoko kāpelelepo nansha dimo bulemununi bwa Yehova. Shi wi mbutwile, kwasha obe mwana ayuke mvubu ya kukwatakenya nyeke mpangiko ya Leza.
MU KINO KIPINDI
KIFUNDWA 39
Mulopwe Mubajinji wa Isalela
Leza wāpēle bene Isalela batyibi ba kwibendeja, ino abo basaka mulopwe. Samwele wāshingile Solo māni bu mulopwe mubajinji, inoko mwenda mafuku Yehova wāpelele Solo. Mwanda waka?
KIFUNDWA 40
Ba Davida ne Ngodiata
Yehova watonge Davida ekale mulopwe wa Isalela, kadi Davida wamwekeja amba buno butongi i buyampe.
KIFUNDWA 41
Ba Davida ne Solo
Mwanda waka muntu umo pa bano bantu babidi washikwe mukwabo, ne uno obashikwa walonga’po namani?
KIFUNDWA 42
Yonafane, Muntu Mukankamane Kadi wa Lulamato
Mwanā mulopwe waikala ke mulunda wa Davida wa pa mutyima.
