Byālongele Yesu

Ñeni Yotuboila Kudi Yesu

2. Shi tufundija mu muswelo upēla, bantu bakavuluka byotwibafundija kadi tukatenga mityima yabo.

 Iula Yesu

3. Kokanena bivule. Pa kyaba kya kunena byonso byoyukile pa mwanda’wa, imanina pa myanda idi mu dibuku dyomwifunda. Shi ubaipangula kipangujo, mwilaije na kitūkijetyima alondolole. Shi kayukilepo kilondololwa nansha waleta milangwe mishile na byobya bifundija Bible, ipangwila’ko bipangujo bikwabo mwanda wa kumukwasha alangulukile pa mwanda’wa. Shi’tu omwifunda nandi waivwanija myanda mikatampe, pityilai ku mwanda mukwabo.

4. Ingidija byobya biyukile kala omwifunda nandi pa kumushintulwila bufundiji bupya. Kimfwa, kumeso kwa kushilula kifundwa kīsambila pa lusangukilo, ubwanya kupituluka bityetye mu byobya bīfundile kala mwifundi pa mwikadile bafwe.

5. Ingidija senene byelekejo. Kumeso kwa kwingidija kyelekejo kampanda, wiipangule amba:

1.    ‘Le kino kyelekejo i kipēla?’

2.   ‘Le onefunda nandi ukapēlelwa kwikivwana?’

3.   ‘Lelo kikakwasha onefunda nandi avuluke mwanda mukatampe pa kyaba kya kuvuluka enka kyelekejo?’