MUSWELO WA KULONDELELA KUSANGELA
KIFUNDWA 8
Ikala na Kitūkijetyima
Musoñanya: “Buswe budi na kitūkijetyima.”—1 Ko. 13:4.
Byālongele Yesu
1. Tala VIDEO, nansha kutanga Yoano 7:3-5 ne 1 Bene Kodinda 15:3, 4, 7. Kupwa londolola bino bipangujo:
Ñeni Yotuboila Kudi Yesu
2. Tunenwe kwikala na kitūkijetyima mwanda bilombanga kitatyi kilampe ku bantu bamo pa kwitabija myanda miyampe.
Iula Yesu
3. Tompa manwa makwabo. Shi muntu ketabijepo ponka na ponka kwifunda Bible, kokamuningila. Pobibwanika, ingidija mavideo nansha bishinte mwanda wa kumukwasha evwanije mupityilanga kifundwa kya Bible ne byakamwena’mo.
4. Kokamudingakanya. Muntu ne muntu i mwishile na mukwabo. Shi muntu wa mu kisaka nansha yewa ojokela wikaka kwitabija kwifunda Bible nansha bufundiji kampanda bwa mu Bible, longa bukomo bwa kuyuka kine kilengeja nabya. Le kudi nkulupilo kampanda yalamete’ko bininge? Le ba mu kisaka nansha balondakani bamukankajanga? Mushile kitatyi kya kulangulukila pa byowamufundija ne pa bulēme bwa byobya binena Bible.
5. Tela mu milombelo muntu walombola kusangela. Lomba Yehova akukwashe wendelele kwikala na mumweno muyampe ne bunwa. Lomba Yehova akupe bujinguludi bwa kuyuka kitatyi kya kwimika kujokela muntu kalombwelepo kusangela.—1 Ko. 9:26.
