Lelo usaka kumwena bininge mu kifundwa kyobe kya pa kasuku? Ubwanya kutompa ano manwa akakukwasha wifunde na katentekeji:

• Tonga kifuko kiyampe. Shi bibwanika, tonga kifuko kikundule kadi kidi na kitōkeji kiyampe. Ubwanya kushikata ku meza nansha kutonga kifuko kikwabo panja.

• Tonga kifuko kya kwa bunka. Yesu wātongele kulombela “lubanga bwē mu meso mukifīta . . . kufula kwa bunka bwandi.” (Mako 1:35) Shi i bikomo kusokola kifuko kya kwa bunka bobe, ubwanya kusapwila ba mu kyobe kisaka nansha bantu bomudi nabo mu njibo mpangiko yobe ya kwifunda ne kwibalomba baleke kukukambakanya.

• Tá’ko mutyima. Epuka bilabi. Shi wingidijanga yobe telefone nansha tabulete pa kwifunda, wiitūle mu muswelo okeikukambakanyapo. Kadi shi ubavuluka kintu kyofwaninwe kulonga, wikilembe pantu kampanda mwanda wa kwikilonga kitatyi kikwabo. Shi ubakomenwa kuta mutyima ku byowifunda, ubwanya kwimika’byo bidi ne kwinangija’ko bityetye.