Tanga Ngalwilo 25:​29-34 mwanda wa kujingulula shi ba Esau ne Yakoba bākwete butyibi bwa tunangu.

Kimba kwivwanija myanda idi mu mavese abadikile ne alonda’ko. Le i bika byālongekele kumeso kwa abo kukwata butyibi? (Ngo. 25:​20-28) Le i bika byālongekele pobāpwile kukwata butyibi?—Ngo. 27:​1-46.

Kimba kwivwanijija’ko myanda mikwabo. Le mu mene mafuku’a, i madyese’ka ne biselwa byādi na mwana umbedi?—Ngo. 18:​18, 19; w10-F 1/5 p. 13.

• Le mu ano madyese mwādi nyeke mubadilwa ne kwikala mukulutuba wa Meshiasa? (w17.12 p. 14-15)

Langulukila pa ñeni yobwanya kuboila’ko ne kwiingidija. Mwanda waka Yakoba wādi umona lupusa lwa bu mwana umbedi bu lwa mvubu mpata kutabuka Esau? (Bah. 12:​16, 17; w03-F 15/10 p. 28-29) Le Yehova wāmwene namani bano bana na bana babidi, ne mwanda waka? (Mal. 1:​2, 3) Le i bika byādi bibwanya kulonga Esau pa kukwata butyibi buyampe?

• Wiipangule amba, ‘Le i muswelo’ka ombwanya kulombola’mba nkwete na bulēme bintu bya ku mushipiditu ponkwata butyibi bwa mwa kwingidijija kitatyi kyami mu bula bwa yenga, ne kulonga bukomo bwa kushiya’ko kitatyi kya kulonga butōtyi bwa kisaka?’