Kitatyi Kekikekala’kopo Mushikwa Lonso!
Nansha shi tubaleka kushikwa bakwetu mu mutyima, ketukabwanyapo kukankaja bakwetu baleke bilongwa ne ngikadila ya mushikwa. Bantu bampikwa mwanda bakyendelela kushikibwa. Le penepa i ani ubwanya kupwa mushikwa lonso?
Yehova Leza kete ye ubwanya kupwa lonso mushikwa otumona dyalelo. ino byo bine byakalonga bilaile Bible.—Nkindi 20:22.
LEZA UKATALULA’KO BINTU BILENGEJA MUSHIKWA
-
1. SATANA DYABOLA. Satana mwikeulu ntomboki, ye mwine ulengeja mushikwa otumona dyalelo. Leza ukonakanya Satana ne bantu bonso bashikilwe bakwabo pamo bwa aye.—Ñimbo ya Mitōto 37:38; Bene Loma 16:20.
-
2. NTANDA MIBI YA SATANA. Leza ukatalula’ko bintu bibi byonso bileta mushikwa pano pa ntanda, kimfwa bendeji ba politike boneke ne bendeji ba bipwilo bakankamika mushikwa. Kadi Leza ukatalula’ko bansunga ba lwiso, bamwena pa mitwe ya bakwabo.—2 Petelo 3:13.
-
3. KUBULWA KUBWANININA KWA BANTU. Bible ushintulula’mba bantu bonso i bapyane kubulwa kubwaninina—ko kunena’mba mutyima wa kulanga, kwivwana nansha kulonga bibi. (Bene Loma 5:12) Mutyima bidi umo wa kulonga bibi i wa kutamija mushikwa ne kwiumwekeja. Leza ukakwasha bantu baleke kwikala na ino mifwatakanyo yampikwa kubwaninina, amba baleke kwikala lonso na mushikwa.—Isaya 54:13.
BIBLE I MULAYE NTANDA YAMPIKWA’MO MUSHIKWA
-
1. KEKUKEKALAPO BUKONDAME. Ntanda ikaludikwa na Bulopwe bwa Leza, umbikalo moloke kadi wa nyeke ukaludikila momwa mūlu. (Danyele 2:44) Mboloji ne kasumalomo kebikekala’mopo. Leza ukapwa bukondame bonso bwikonda na bantu dyalelo.—Luka 18:7.
-
2. MUNTU YENSE UKEKALA MU NDOE. I kutupu muntu ukasusuka pa mwanda wa bya lūma nansha divita. (Ñimbo ya Mitōto 46:9) Ntanda ikekala kifuko kiyampe mwikele’nka bantu basenswe ndoe.—Ñimbo ya Mitōto 72:7.
-
3. MUNTU YENSE UKEKALA’KO NYEKE KADI BIYAMPE. Bantu bonso bakekala pano pa ntanda, bakelombola buswe bwa binebine abo bene na bene. (Mateo 22:39) I kutupu muntu nansha umo ukasusuka, nansha ke na milangwe mibi mine. (Isaya 65:17) Mu kine kitatyi’kya, bantu “bakaloelelwanga bininge mu bungibungi bwa ndoe.”—Ñimbo ya Mitōto 37:11.
Lelo nobe wabilanga kukekala mu ntanda ya uno muswelo? Enka ne dyalelo, bantu bavule befundanga mwa kulekela mushikwa na kwingidija misoñanya ya mu Bible. (Ñimbo ya Mitōto 37:8) Bino ye biloñanga Batumoni ba Yehova midiyo ne midiyo kujokoloka ntanda yonso. Nansha byobatambile mu bibidiji bishileshile ne mu būmi bwa miswelo palapala, badi mu bumo kadi besenswe abo bene na bene.—Isaya 2:2-4.
Batumoni ba Yehova bakasangela kukukwasha uyuke muswelo wa kūminina bukondame ne mboloji. Byokefunda bibwanya kukukwasha uleke mushikwa bityebitye, ino wikale muntu wa buswe. Ubwanya kwifunda kulombola bantu bonso buswe, nansha ke boba bamweka bu kebadipo na mutyima wa kufwija’ko kadi badi na mushikwa. Nabya ukekala muntu wa nsangaji dyalelo, kadi kipwano kyopwene na bakwenu kikalumbulukila’ko. Ne kadi ukayuka byobwanya kulonga pa kukekala mu Bulopwe bwa Leza kitatyi kekikekala’kopo mushikwa lonso.—Ñimbo ya Mitōto 37:29.
Tala'po Bidi ne Bino:
KITEBA KYA MULAMI
Le Bulopwe bwa Leza Bukalonga Bika?
Yesu wādi uyukile amba Bulopwe bwa Leza Kete ye buludiki bumo bukapwa makambakano pano pa ntanda. Le i bintu’ka ke bilonge kala buno Bulopwe biningija kikulupiji kyetu?
MYANDA MIKWABO
Le Kukekala Boloke pano pa ntanda?
Bible ulombola’mba boloke bwa bine butambanga kudi Leza, mwine umwene būmi bwa bantu na bulēme bumo bonka.
LANGUKAI!
Mboloji—Bwanga bwa Kupwa Mboloji Lonso
Le i bintu’ka biná bikalonga Bulopwe bwa Leza mwanda wa kupwa mboloji?
