Le Lufu Walwana Netu Ukanekenibwa Namani?
NANSHA ba Adama ne Eva, bambutwile betu babajinji byobābudilwe kikōkeji, bāsambulwila bantu bonso bubi ne lufu, kino kekyāshintyilepo mpango ya Leza itala pa bantu. Leza i munene misunsa mivule mu Bible Kinenwa kyandi amba mpango yandi keishintyilepo.
-
“Boloke bakapyananga ntanda, kadi bakekalanga’po nyeke.”—Ñimbo ya Mitōto 37:29.
-
“Ukamina lufu nyeke, kadi Mfumu Mwinē Lupusa Lonso Yehova ukapampula impolo mu mapala onso.”—Isaya 25:8.
-
“Lufu, walwana wa mfulo, ukajimankanibwa fututu.”—1 Bene Kodinda 15:26.
-
“Lufu kelukekala’kopo dikwabo, nansha madilo nansha miyoa nansha misanshi mine keikekala’kopo monka.”—Kusokwelwa 21:4.
Lelo Leza “ukamina lufu,” ko kunena’mba ‘kujimankanya’ lufu walwana namani? Enka motwekimwena, Bible unena patōkelela’mba, ‘boloke bakekalanga’ko nyeke.’ Ino kadi unena’mba, “kekudipo moloke nansha umo pano panshi uloñanga nyeke biyampe.” (Musapudi 7:20) Le Leza ukaleka misoñanya yandi pa kunekenya lufu? Kebibwanikapo! Kakalongapo namino mwanda “Leza . . . kabwanyapo kubepa.” (Tetusa 1:2) Le penepa Leza ukalonga bika pa kufikidija mpango yandi ya buswe yaāpangīle bantu?
LEZA “UKAMINA LUFU NYEKE.”—ISAYA 25:8
WAFUTA KINKŪLWA PA KUNEKENYA LUFU
Yehova Leza wākwete’ko mpangiko ya buswe mwanda wa kukūla bantu ku lufu, wāfuta kinkūlwa. Mu kīpi, kinkūlwa i mfutwa ifutwanga idingakene na byobya byonekele. Bantu bonso byobadi babipya-mambo, kadi bapye mambo a lufu, Bible unena patōkelela’mba: “I kutupu nansha umo umbukata mwabo ubwanya kukūla mwanabo nansha kupa Leza kinkūlwa pa mwanda wandi, (lupoto lwa kinkūlwa kya būmi bwabo i lulēme mpata kebabwanyapo kufikila’po nansha dimo).”—Ñimbo ya Mitōto 49:7, 8.
Kitatyi kifwa muntu wampikwa kubwaninina, ufutanga mambo a bubi bwandi; kabwanyapo kwikūla nansha kufuta mambo a bubi bwa muntu mukwabo. (Bene Loma 6:7) Twādi tusakilwa muntu mubwaninine kadi wampikwa bubi wa kupāna būmi bwandi pa mwanda bubi bwetu, ino ke pa mwandapo wa bubi bwandi.—Bahebelu 10:1-4.
Ino yo mpango mine yākwete’ko Leza. Wātumine Yesu wandi Mwana, wātamba mūlu wābutulwa pano pa ntanda bu muntu mubwaninine, wampikwa bubi. (1 Petelo 2:22) Yesu wānenene amba wāile “kupāna būmi bwandi ke kinkūlwa kya kukūla bavule bene.” (Mako 10:45) Wāfwile mwanda wa kunekenya lufu walwana amba tukamone būmi.—Yoano 3:16.
LE LUFU LUKANEKENIBWA KITATYI’KA?
Dyalelo, bupolofeto bwa mu Bible byobwenda bufikidila, tudi mu “bitatyi bya makambakano bikomo ne mwa kulongela,” bilombola’mba tudi mu “mafuku a mfulo” a ino ngikadilo mibi ya bintu. (2 Temote 3:1) Mafuku a mfulo akanana mu “difuku dya butyibi ne dya konakanibwa kwa bantu bampikwa bwine Leza.” (2 Petelo 3:3, 7) Inoko bantu basenswe Leza bakapanda ku bonakani ne kukamona “būmi bwa nyeke.”—Mateo 25:46.
Yesu wāile “kupāna būmi bwandi ke kinkūlwa kya kukūla bavule bene.”—Mako 10:45
Luka 7:11-15) Kadi mutumibwa Polo wānenene amba: “Nkulupile mudi Leza . . . amba kukekalanga lusangukilo lwa boloke ne bakondame bene kumo.” Luno lukulupilo i kilomboji kikatampe kilombola buswe bobasenswe bantu kudi Leza.—Bilongwa 24:15.
Bantu bakwabo midiyo ne midiyo bakekala na mukenga wa kumona būmi bwa nyeke kitatyi kyobakasangulwa. Yesu wāsangwile muntu pawāendele mu kibundi kya Neni. Mwana umo kete wa mukaji wa kishala wāfwile, Yesu “wamukwatyilwa lusa,” wāmusangula. (Bantu midiyo ne midiyo batengēle kukekala nyeke. Bible unena’mba: “Boloke bakapyananga ntanda, kadi bakekalanga’po nyeke.” (Ñimbo ya Mitōto 37:29) Mu kine kitatyi’kya, bakemwena binenwa bikankamika kadi bikunka mutyima byālembele mutumibwa Polo pano kepadi kintu kya myaka 2 000, bya amba: “A lufu, le bushindañani bobe budi kwepi? A lufu, le lunonga lobe ludi kwepi?” (1 Bene Kodinda 15:55) Bine, walwana na bantu mukomokomo ukanekenibwa!