Buyuki Bwitufwenya Kudi Leza
Umpangi wetu ke bukomopo’tu bitupu. Aye udi na ngikadila miyampe. Usakanga twifunde myanda yandi kadi tufwene kwadi. (Yoano 17:3; Yakoba 4:8) O mwanda i mwitusokwele myanda mivule imutala.
Umpangi Wetu Udi na Dijina dya Bunka
“Bantu bayuke amba abe, wa dijina dya bu Yehova, abe bunka bobe wi Mwine wa Peulu Mwine pa ntanda yonso.”—ÑIMBO YA MITŌTO 83:18.
Bible ufundija’mba Yehova i Leza umo kete wa bine. I Umpangi wa diulu ne ntanda ne bintu byonso byūmi. Aye kete ye otufwaninwe kutōta.—Kusokwelwa 4:11.
Yehova I Leza wa Buswe
“Leza i buswe.”—1 YOANO 4:8.
Yehova i mwitusokwele ngikadila yandi mivule kupityila ku Bible ne ku bintu byapangile. Buswe yo ngikadila yandi mikatampe. Ilombolanga mwine mwaikadile. Tusanswanga Yehova bininge shi tubayuka yandi myanda mivule.
Yehova I Leza wa Lulekelo
“Abe wi Leza kejepo kulekela.”—NEHEMIA 9:17.
Yehova uyukile amba twi ba kubulwa kubwaninina. O mwanda ‘kejengapo kwitulekela.’ Shi tubamulombe lusa ne kulonga bukomo bwa kuleka kulonga bibi, uketulekela ne kuleka kwitupa mfuto pa bubi bwa pa kala.—Ñimbo ya Mitōto 103:12, 13.
Yehova Usakanga Tumulombe
“Yehova udi pabwipi na boba bonso bamwita . . . Wivwananga kulomba kobalomba bukwashi.”—ÑIMBO YA MITŌTO 145:18, 19.
Yehova kasakengapo tumutōte kupityila ku bisela nansha bankishi. Aye wivwananga milombelo yetu, monka mwivwaninanga mbutwile wa buswe bandi bana basenswe.
Tala'po Bidi ne Bino:
BIPANGUJO BYA MU BIBLE BILONDOLWELWE
Le Yehova I Ani?
Le i Leza wa muzo umo kete, kimfwa wa bene Isalela?
BIPANGUJO BYA MU BIBLE BILONDOLWELWE
Le Leza I Bukomo’tu Bitupu?
Bible unena’mba Leza wāpangile bintu byonso, ino le witutele mutyima?
BIPANGUJO BYA MU BIBLE BILONDOLWELWE
Lelo Leza Ukandekela?
Tala bintu binena Bible bya kulonga pa kulekelwa na Leza.
