Pamo enka na misaka ya bipangwa ikimba kujimina, bulēme nabo bubatyepa bininge mu bantu kadi bavule batulumukanga’byo shi abamone muntu udi na bulēme bininge.

Kimfwa bantu bavule kebakilēmekangapo babo bambutwile, banunu, bampulushi, babo bashefu ku kaji, ne babo badimu. Kadi ano mafuku, bantu kebefutululanga bininge pa marezo a mīsambo! Julunale Harvard Business Review, yanenene amba, “Ano mafuku bantu kebakilēmekangapo bakwabo.” Kadi ibweja’ko amba, bantu “ano mafuku betompwela bininge amba kebakilēmekelwepo.”