Lombola Buswe
Mwanda
Milangwe ya mboloji keipwangapo bukidibukidi. Monka mobilombelanga kitatyi ne bukomo pa kupwa misongo, pa kupwa mboloji napo palombanga kitatyi ne bukomo. Le ubwanya kulonga bika pa kuleka kwikala na mboloji?
Musoñanya wa mu Bible
“Vwalai buswe, mwanda abo i kijimba kibwaninine kya bumo.”—BENE KOLOSE 3:14.
Le ushintulula bika? Kulongela bantu bintu biyampe, kwikadijanga bantu mu bumo. Shi usenswe bakwenu bininge, kukekalapo na mboloji. Shi udi na buswe, kukekalapo na mushikwa ne kipuni mu mutyima obe.
Byobwanya Kulonga
Langulukila pa miswelo miyampe yobwanya kulombola’mba usenswe bantu ba ku mutamba omona bibi. Bino kebilombepo kulonga bintu bikatampe. Tompa kulonga kintu kimo nansha bivule pa bino bilonda’ko:
Na kakilongwa’tu katyetye ka buswe, ukafundwila mboloji kulampe
Ikala biyampe na bantu ba mwine mutamba’wa na kwibashitwila mulango nansha kwibashila pa kushikata mu kyendwa nakyo kya bantu bonso.
Longa bukomo bwa kwisamba nabo bityetye nansha shi kebesambengapo ludimi lwenu biyampe.
Tūkija mutyima shi abalonga kintu kyokwivwanijepo.
Ivwana lusa kitatyi kyobesambila pa makambakano abo.
Tala'po Bidi ne Bino:
LANGUKAI!
Madingi a Mwa Kwikadila mu Ndoe na Bakwetu
Le i ngikadila’ka ibwanya kwitukwasha twikale nyeke mu ndoe na bakwetu?
