Mwanda Mukatampe Okufwaninwepo Kubulwa

“Byonso byakupanwa bilumbuluke, ne byabuntu bibwane” bitambanga kudi Leza, Tata wetu wa mūlu.​—Yakoba 1:17.

KYABUNTU kine kikatakata kipēne Leza ku bantu babipya-mambo i mpango yakwete ya kwibapa lupandilo kupityila kudi Yesu Kidishitu, wandi Mwana wa bunka. Lufu lwa Yesu, Mukūdi wetu, lo lushitwile dishinda dya kukamona būmi bwa nyeke mu paladisa pano pa ntanda. O mwanda twi basoñanibwe mu Luka 22:19 kuvuluka luno lufu.

Batumoni ba Yehova bakwita na nsangaji yonso wiye ulonde nabo pamo uno musoñanya wa Yesu. Kino kivulukilo kya ku mwaka ne mwaka kisa kuvulukwa pa kupwa kupona kwa dyuba, mu Nisane mafuku 14 mungya kalandadiye ka myeji ya mu Bible​—dya Yenga, mafuku 8 Kweji 4, 2001. Lemba dino difuku kutyina’mba wakelwa’dyo. Batumoni ba Yehova ba mu kyenu kipindi bakakulombola kifuko ne nsaa mine ikalongwa kuno kupwila.