Pano Kebatela Dijina dya Leza mu Afrika wa pa Bukata

BANTU bavule ba mu Afrika wa pa Bukata i betabije mudi Leza. Bajingulwile biyampe amba ye aye Umpangi wa bintu byonso. (Kusokwelwa 4:11) Inoko bakidi bafutulula dijina dya Leza—Yehova, pamo’nka na mwadi mufutulwila’dyo bantu bavule mu matanda makwabo.

Ba mu Afrika wa pa Bukata nabo besambilanga pa dijina dya Leza, pamo bwa bantu ba mu bifuko bikwabo bya ntanda, pobanenanga amba, “dijina dyobe dijile kijila” mu lulombelo lwa Tata Wetu. (Mateo 6:9) Inoko mu myaka ya kunyuma, batyetye kete bo bādi bayukile dino dijina. Ino kupwa kwa myaka mivule, mingilo ya busapudi ingila Batumoni ba Yehova na bupyasakane ibashinta milangwe ya bantu mu myanda itala kwingidija dijina dya Leza. Dyalelo dijina dya Leza i diyukane konso konso, dibatwela ne mu ndimi mivule ya mu Afrika, kifwa mu Kizulu (uJehova), mu Kiyoruba (Jehofah), mu Xhosa (uYehova) ne mu Kiswahidi (Yehova). Nansha namino kudi malamuni mavule a Bible mu ino ndimi apelele kwingidija dijina dya Leza.

Bwalamuni bumo bulumbuluke bwingidije dijina dya Leza i bwalamuni bwa Bible mu Kizande, ludimi lunenwa mu République centrafricaine, mu Soudan ne mu République démocratique du Congo. Mu kino kipindi kya ntanda, bantu bayukile dijina dya Leza, beditela amba Yekova mu ludimi lwabo. Eyo, nansha dino dijina byodipona mu matwi mu muswelo kampanda mungya moditelelwa mu luno ludimi, inoko kikatampe kisakwa i kwiditela. Mwanda waka? Mwanda “bonso bakwita pa dijina dya Yehova bakapandanga.”—Loma 10:13.

[Kalata/Kifwatulo pa paje 32]

(Pa kuyukila’ko bikwabo, tala dibuku)

SOUDAN

RÉPUBLIQUE CENTRAFRICAINE

RÉPUBLIQUE DÉMOCRATIQUE DU CONGO

[Kutambile Kifwatulo]

The Complete Encyclopedia of Illustration/J. G. Heck