Abebapanga Bidi, Kupwa Kebebatundaila

MYAKA mityetye pa kupita, ba Santiago ne mukajandi Lourdes bāendele mu kibundi kikatampe kadi kiloe kitwa bu Huillcapata mu Peru, mwanda wa kukasapula musapu wa lukulupilo udi mu Bible ku bantu ba mu kine kibundi’kya. Penepo, ne kwija kwine mpika, kwāiya mumpele umo utamba ku Cuzco, wāungwija bekadi ba mu kibundi’kyo bonso pamo. Mumpele kāebadyumuna’mba kwiya kwa Batumoni ba Yehova muno kusa kuleta kipupo kya lufu ne kunokeja mashika makamankate makomokomo ke a kutapa i kukunya bimunanwa byabo ne kusala bidimibwa byabo.

Bavule bālonda buno “bupolofeto,” kintu kya kipindi kya mwaka ne kupita, kekwādipo muntu nansha umo wādi witaba ku lwito lwa ba Santiago ne Lourdes lwa kwifunda Bible. Mbikavu wa mu kibundi’kyo, wa dijina dya bu Miguel, wāpanga lubilo ba Santiago ne Lourdes mu kipito koku wibasa mabwe. Ino abo kasha beendeja mu ndoe, na mwikadilo wa bene Kidishitu.

Kitatyi pa kupita’po, bamobamo bāshilula kwitabija kifundwa kya Bible. Enka ne Miguel mwine wāshinta mwikadilo wandi. Wāshilula kwifunda na Santiago, ne kuleka wāleka butondwe, wāikala ke muntu wa ndoe na bantu. Mwenda mafuku, Miguel, ne wandi mukaji, ne bana babidi bana-bakaji bēlunga ku bubinebine bwa mu Bible.

Dyalelo dino’di, mu kino kibundi mudi kipwilo kikabe kya Batumoni ba Yehova. Miguel udi pano na nsangaji pa kuvuluka’mba, mu mabwe aādi wasa ba Santiago ne Lourdes, mavule ādi ebatupa, kadi ufwijanga’ko bano ba mulume ne mukaji pa mwanda wa kimfwa kyabo kilumbuluke kya bantu ba ndoe.

[Bifwatulo pa paje 32]

Mwikadilo wa ndoe na bantu wa ba Santiago ne Lourdes (badi kungala) wālengeje Miguel (udi ku lundyo) wāshinta mutyima wandi