Lelo Bumo bwa Ntanda Bubwanika?

LELO ino ntanda yenda ku ndoe’ni, nansha ku musala? Mobimwekela padi yenda konso kubidi.

Ku mutamba umo, bendeji ba ntanda bamo banena na kikulupiji amba kusa kwikala ndoe ya ntanda yonso—mwanda shi keidi’kopo nabya ke bileta moyo. Ku mutamba mukwabo, bavule bazakala pa kwiipangula bipangujo pamo bwa bino: Lelo i mizo’ka idi na mata atukija bantu kipukwi? Le babulwe’po kusobola’o? Lelo bikekala namani shi abasobola’o?

Mānga ilombola amba lwana ne mfwatakani i bifundule’ko lukulupilo lwa kwikala umbumo, kadi bipwilo nabyo divule bisonshilanga bulwi pa kyaba kutalaja’bo. James Haught, mulembi wa julunale wālembele amba: “Kintu kyonso kikalañanya bantu kiletanga lwana, ne kipwilo kyo kine kitabukile kukalañanya bantu. . . . Nansha bifwatakanyanga bantu bavule amba bipwilo bikadijanga bantu ‘biyampe,’ ino i kimweke amba bitononanga bantu ku kwishikwa.” Mulembi Steven Weinberg nandi umona bintu uno muswelo umo onka. Wālembele amba: “Shi bantu bayampe baloñanga bibi, i pa mwanda wa kipwilo.”

Le kudi kintu kikulupija amba ntanda yetu ikekala umbumo? Eyo, kidi’ko! Ino kukatamba bumo bwa ntanda ke ku muntupo nansha ku bipwilo bya bantu, enka na motusa kwikimwena.

[Bushintuludi pa paje 3]

Lelo ntanda idi pamo bwa bombe usa kusabika?