22 Kweji 3, 2008—Difuku dya Kuvuluka

YESU, kyolwa kibadikila lufu lwandi, wātambikile batumibwa bandi mukate wampikwa kiyujo ne kitomeno kya vinyu ne kwibanena amba dyai ne kutoma. Kadi wēbasoñanya amba: “Mukaloñanga enka namino pa kumvuluka.”—Luka 22:19.

Uno mwaka, kivulukilo kino kikaponena mu Dya Mposo, mafuku 22 Kweji 3, kupwa kupona kwa dyuba. Batumoni ba Yehova ntanda yonso bakabungakena pamo mu kino kyolwa kya pa bula mwa kuvulukila Kivulukilo monka mwāsoñaninye Yesu. Tukwita nobe na nsangaji yonso wiye wilunge netu ne kubandila pamo na bantu bakwabo. Ipangula Batumoni ba Yehova ba mu kyenu kibundi bakulombole nsaa ne kifuko kya kupwila.