Lelo Uyukile Shobe wa Mūlu?

LELO uyukile shobe senene? Kino kipangujo kikokeja padi kumweka bu kyampikwa kwendela’mo, shi wi mutamine mu kisaka kya buswe. Ubwanya kulondolola’mba: ‘Bine, muyukile senene!’ Na bubine, bantu bavule bayukile bisakanga shabo ne byapelanga, mwalongelanga pa myanda kampanda, ne mwalelelanga kisaka.

Inoko, padi kudi kitatyi kyowatulumukile pa kumona shobe ulonga bintu bishile na byaloñanga. Kimfwa, padi mwana uyukile shandi bu muntu utalala ne wa kanye—kufika’nka ne difuku dyalupuka mwanda. Penepa wamone amba nanshi tata i kilobo ne usumininwe kukinga kyetu kisaka.

Lelo Umpangi wetu nandi le? Bible witulombola’mba: “I aye witupele bumi, witupele kujina ne bu muntu.” (Bilongwa 17:28, Myanda Miyampe ku Bonso) Būmi bwetu i butambe kudi Leza; o mwanda aye i shandya bōmi bonsololo. (Isaya 64:8) Kepabulwe nobe ye momwena Leza, shi i amo, nabya i biyampe ne kyendele’mo. Inoko, kudi bintu bikwabo bimutala byotufwaninwe kuyukila’ko ne kwifunda—mwanda wa tumwene’ko ne kuloelelwa.

Kuyuka senene shobe ukubutwile kubwanya kushinta muswelo omumwene ne omulēmekele. Mo monka, shi uyukile Leza senene, kipwano kya mpwaninine kyopwene nandi kikatyita. Leza ukakukwasha mu matompo ne makambakano a mu būmi shi umuyuke senene ne kwifunda kulonga kiswa-mutyima kyandi.

Le Leza i muntu wa muswelo’ka? Lelo ngikadilo yandi ibwanya kushinta namani muswelo omumwene? Le kumuyuka kukokeja kukutwika biselwa kampanda? Ukatana bilondololwa ku bino bipangujo mu kishinte kilonda’ko.

[Bushintuludi pa paje 3]

Kuyuka senene bakwenu kubwanya kushinta muswelo owibamwene