6. Mwingilo wa Kusapula Konso
6. Mwingilo wa Kusapula Konso
“Īno myanda-miyampe ya buno bulopwe īkasapwila panopantanda ponso.”—MATEO 24:14.
● Vaiatea ushikatanga mu Tuamotu Archipelago, kisanga kitolwele kya Pasifike. Pa kufika ku Tuamotu bilomba kupita mu myala palapala 80 ijokolokele majiba, ipalañene mu kifunda kya makilometele 802900, kino kisanga kidi’tu na kintu kya bantu 16000 kete. Nansha nabya, Vaiatea ne balondakani nabo bapempwilwe na Batumoni ba Yehova. Mwanda waka? Mwanda Batumoni basakanga kusapwila bantu bonso myanda miyampe ya Bulopwe bwa Leza—kwampikwa kubanga kobashikete.
I BIKA BINE BILONGEKA? Musapu wa Bulopwe ubafika ku mafinko onso a ntanda. Mu 2010 kete, Batumoni ba Yehova bapityije kupita pa mansaa mudiyala 1 ne midiyo 600 basapula myanda miyampe mu matanda 236. Ko kunena amba Kamoni ne Kamoni wapityije mwayene wa minite 30 difuku ne difuku mu busapudi. Umbula bwa myaka dikumi ipityile’i, balupwile ne kwabanya mabuku a bufundiji bwa mu Bible midiyala 20 ne kupita.
BAVULE BANENA’PO NAMANI? Musapu wa mu Bible usapulwanga tamba kala.
LE BINO BYOBANENA I BYA BINE? Eyo, bavule basapulanga mwanda kampanda wa mu Bible. Inoko, bavule bene, basapwile mu kakitatyi katyetye, kadi kwenda kulampe mpika. Batumoni ba Yehova abo, bavuijanga kampanye kateakanibwe ka kusapwila bantu tutwa na tutwa ntanda yonso. Batumoni bōmininanga mu mwingilo wabo nansha byobalwibwa pampikwa kafuku na malongolodi adi na lupusa lukatampe ne kasusu mu mānga ya bantu. * (Mako 13:13) Kadi, Batumoni ba Yehova kebafutwangapo pa busapudi bwabo. Ino bengidijanga kitatyi kyabo ku kusaka ne kupāna mabuku ku bitupu. Mwingilo wabo ukwatakanibwanga na byabuntu bya kwisakila.
LE ULANGA’PO NAMANI? Lelo “myanda-miyampe ya buno bulopwe” isapulwanga pano pa ntanda ponso? Le kufikidila kwa buno bupolofeto kulombola’mba kumeso’ku kudi bintu bilumbuluke?
[Kunshi kwa dyani]
^ mus. 6 Shi usaka kuyukila’ko bivule, enda ukatale mafilime ano asatu: “ Fidèles dans les épreuves, ” “ Les triangles violets, ” ne “ La fermeté des Témoins de Jéhovah face à la persécution nazie ” abanibwa na Batumoni ba Yehova.
[Bushintuludi pa paje 9]
“Shi Yehova mwine uswile, tukendelela na kusapula myanda miyampe ya Bulopwe na bupyasakane, ne kwingidija miswelo yetu yonso mwanda wa kutana bantu.”—ANNUAIRE 2010 DES TÉMOINS DE JÉHOVAH.