Bitatyi Bilumbuluke Bitutengele Kumeso!
Bitatyi Bilumbuluke Bitutengele Kumeso!
“Ke-kuntu kukidi bidi kitatyi kityetye, ne mubi ukēkala kutupu’ye . . . Nanshi bakikōkeji bakapyananga ntanda; kadi bakēsangaja mu bungi bwa ndoe.”—MITŌTO 37:10, 11.
LELO usakanga bupolofeto bwatelwa’bu bufikidile? Bine, ye mosakila. Tudi na bubinga bukomo bwa kukulupidila amba busa kufikidila panopano.
Bishinte bibadikile i bisambile’tu pa bupolofeto bumobumo bwa mu Bible bulombola patōka’mba tudi mu ‘mafuku a ku mfulo.’ (2 Temote 3:1-5) Leza wāpele balembi ba Bible bukomo bwa mushipiditu balaye bino binkumenkume mwanda wa kwitupa lukulupilo. (Loma 15:4) Kufikidila kwa buno bupolofeto kulombola’mba ano makambakano otulwa nao asa kufula panopano ponka.
Lelo kupwa kwa mafuku a mfulo ke bika? Ke Bulopwe bwa Leza kuludika muzo wa muntu. (Mateo 6:9) Tala mutelela Bible ngikadilo ikekala pano pa ntanda mu kine kitatyi’kya:
● Nzala ikapwididila. “Kukēkalanga bungibungi bwa mebele panopantanda peulu pa ngulu.”—Mitōto 72:16.
● Misongo ikapwididila. “Mwikadi kakanenapo’mba: Nabela.”—Isaya 33:24.
● Ntanda ikekala ke mipya. “Muntanda mutuputupu ne panshi pōmu bikasangala, ne ntanda yampikwa bumeni ikasepelela ne kutōya buluba pamo bwa diluba diyampe.”—Isaya 35:1.
Buno i bupolofeto’tu butyetye bukankamika butanwa mu Bible ne busa kufikidila panopano. Wabulwa’po kunena Batumoni ba Yehova bakulombole i mwanda waka bakulupile na mutyima umo amba kudi bintu bilumbuluke bitutengele kumeso?