Pabwipi Ponka
Tentula:
1. Ivwana ñimbo ya toni,
Twimba biyampe mpata.
Koku wenda mu musanza
Dyuba nadyo kashā ditema.
Potundaila baswe,
Ubasangala mpata.
Ino’i Paladisa
Yadi pabwipi ponka.
2. Njibo imo mu musanza,
Mikwabo pa mukuna.
Koku bantu bemba ñimbo
Kadi mema apulumuka.
Ne bipa bibaele
Ke kwenda kukangula.
Ino ntanda miyampe
Yadi pabwipi ponka.
(NSAMBUKILO)
Tubemwena na balunda
Bintu byotwadi twabila.
Impolo ke kutupu’yo.
Ntanda ne būmi ke bipya.
3. Kudi bantu ba nsangaji
Ne maluba mayampe.
Difuku dyonso abewa
Ushikete na baswe bobe.
Tumufwija’ko Yehova,
Mwanda wa buswe bwandi.
Ano madyese onso
Adi pabwipi ponka.
(NSAMBUKILO)
Difuku dyonso dipita,
“Nsangalanga ponkumona!”
Mwanda kukupamba bīpa
Kwadi’tu’nka bwa kilotwa.
4. Panopano ponka
Nsa kwimwena byonso’bi.
I mulao wa Yehova.
I mulao wa binebine.
Ne ponangulukila’po
Ngivwananga nsangaji.
Ntengēle difuku’di,
Ke didi pabwipi ponka.