Kupwa kwa myaka 14 ya bisambo, umbikalo wa Franse wafudile ku kujokejeja Batumoni ba Yehova maero 637398731 (madolala 8294320).

Mu 1998, uno umbikalo wanenene amba byabuntu bya kipwilo bilongwa na Batumoni ba Yehova kubadila’mo ne bya myaka ishele kunyuma bifwaninwe kufutyijibwa musonko 60 pa katwa kadi, mu 2003, balombele kufutwe kala kipindi. Kidye kya mu Bulaya kya Byepelo bya Bantu kyanenene amba Franse i mipye mambo a kujilula bwanapabo bwa kutōta bwa Batumoni ba Yehova na kulomba musonko wampikwa mu bijila, mwine ukokeja, shi ubatulwa, kulomba Batumoni ba Yehova kupoteja mabilo abo onso ne kwipaya mwingilo wabo wa kufundija bantu Bible. Kidye byokyatyibile amba musonko walombelwe keukwatañenepo na bijila, o mwanda umbikalo wa Franse ubashilula kujokeja lupeto’lwa, ne musubu ponka, ebiya ne kufuta byonso bijimije Batumoni pa mwanda wa kino kisambo.

Mubwanya Kwita:

J. R. Brown, Bilo Itala Myanda, telefone: +1 718 560 5000

Franse: Guy Canonici, telefone: +33 2 32 25 55 55