Kintu kya bantu 21 bafwile mu mafuku 15 Kweji 1, 2019, patambilwe hotela imo ne bilo yayo mu Nairobi, Kenya.

Musambo wa Kenya unena’mba i kutupu musapudi wafwile nansha kulopolwa mu buno butambañani, buno butambañani bwalongekele ku makilometele 7 na kokwa kudi bilo ya musambo. Kudi batutu ne bakaka 10 ne kupita bengilanga mu Mobo a Dusit, ku kifuko kwine kwatambilwe. Banabetu 7 kebadipo ku kaji mu kitatyi kyalongekele butambañani, kadi boba badi’ko nabo balupwilwe’mo pampikwa kulopoka. Mu bano balupwilwe, mwadi tutu umo ne kaka umo baikele kwifya mu bula bwa mansá 12 padi palongeka buno butambañani.

Bakulumpe pa kipwilo, ne batadi ba kipindi bendelelanga na kukwatakanya ku mushipiditu bano basapudi batengelwe na kino kinkumbulu. Tulomba’mba Yehova endelele na kusenga banabetu mu bino bitatyi bikomo.—2 Bene Kodinda 1:3, 4.