Batumoni ba Yehova bendelela kuleta bukwashi ku banababo batenwe na dilobe mu République démocratique du Congo, dine dyalongekele mu kibundi kya Boma, kibundi kidi ku makilometele 470, kunshi kwa Congo mutamba wa kushika, mu yenga wa 26 Kweji 12.

Bisaka 39 bya Batumoni byatengelwe na dino dilobe, Kamoni umo wafwile mu kino kinkumbulu. Mobo atano a Batumoni abundukile onso, kadi atano makwabo abundukile kipindi.

Bilo ya musambo mu Congo yatumine bidibwa ne bivwalwa ku Batumoni batenwe na uno mwanda kwine’kwa, mwanda wa kuvuija bisakibwa byabo bya bukidibukidi. Batumoni ba mu kibundi kya Matadi ne kya Muanda bidi ku makilometele 80 mutamba ne mutamba, bepēne abo bene mwanda wa kukakwasha banababo.

Kitango Kyendeji kya Batumoni ba Yehova, kupityila ku byabuntu bipānwa ku mwingilo wa Batumoni wingilwa ntanda yonso, kyo kikwatakenye buno bukomo bwa kuleta bukwashi mu Congo, tamba ku kité kya ntanda yonso kidi ku Warwick, mu New York.

Mukokeja Kwita:

David A. Semonian, Bilo Itala Myanda, +1-845-524-3000

République démocratique du Congo: Robert Elongo, +243-81-555-1000