25 KWEJI 2, 2016
MAPYA A KONSO
Batumoni ba Yehova Beta Bantu Ntanda Yonso ku Kivulukilo kya pa Mwaka kya Lufu lwa Kidishitu
Ku kino kivulukilo kukekala ne mwisambo wa mu Bible.
NEW YORK—Dya Mposo, Mafuku 27 KWEJI 2, Batumoni bakashilula kampanye ka kwita bantu ku kinkumenkume kimwenwe na Batumoni bu kya mvubu mpata mu mwaka, ke Kivulukilo kya lufu lwa Kidishitu kadi, kine kikalongeka mu mafuku 23 Kweji 3. David A. Semonian, muneni wa Batumoni ba Yehova ku kité kya ntanda yonso mu New York, unena’mba: “Ku kino Kivulukilo kukekala mwisambo ushintulula mwanda waka lufu lwa Yesu i lwa mvubu dyalelo, nansha byokepapite kintu kya myaka tununu tubidi. Kadi mwisambo ukalombola luno lufu moluletela lukulupilo lwa mafuku a kumeso. Tukimba bantu bavule bene bāye kumwena mu buludiki bwa ku mushipiditu botukatambula ku kino kinkumenkume.”
Mu kano kampanye, kintu kya Batumoni midiyo mwānda ntanda yonso bakapempula bekadi-nabo mwanda wa kwibeta ku kino kinkumenkume. Ku mwaka, bantu kubwipi kwa midiyo 20 batenwe ku Kivulukilo.
Mukokeja Kwita:
David A. Semonian, Bilo Itala Myanda, telefone: +1 718 560 5000
Tala'po Bidi ne Bino:
MYANDA ITUTALA
Kivulukilo kya Lufu lwa Yesu
Mwaka ne mwaka bantu midiyo ne midiyo bebuñanga musunsa umo mwanda wa kuvuluka lufu lwa Yesu. Tukwita wiye umone mwanda waka kino kinkumenkume kikutala ne abe.
BIPANGUJO BIPANGULWANGA DIVULE
Mwanda Waka Batumoni ba Yehova Bavulukanga Bidibwa bya Kyolwa bya Mfumwetu mu Muswelo Mwishile na Bipwilo Bikwabo?
Bitwanga monka bu Bidibwa bya Mfulo nansha bu Kivulukilo kya Lufu lwa Kidishitu, i kintu kya mvubu mpata ku Batumoni ba Yehova. Tala binena Bible pa kino kinkumenkume.