KWEJI 3, 2018
MAPYA A KONSO
Batumoni Abalonga Kampanye ka pa Mwaka ka Kwita Bantu ku Kivulukilo kya Lufu lwa Kidishitu
Mu mafuku 3 Kweji 3, 2018, Batumoni ba Yehova bashilwile kampanye ka kwabila tukanda twa lwito lwa ku Bidibwa bya ku Kyolwa bya Mfumwetu, biyukene ne bu Kivulukilo kya lufu lwa Kidishitu. Batumoni ba mu matanda 240 bakebungila pamo mu mafuku 31 Kweji 3, mwanda wa kulonga kino kinkumenkume kyobamwene bu kya mvubu mpata mu mwaka. Kadi tuno tukanda twa lwito twitanga bantu ne ku mwisambo wa pa bula wa mu Bible unena’mba, “Le Yesu Kidishitu Mwine I Ani?” ukanenwa mu yenga wa mafuku 19 Kweji 3.
David A. Semonian, muneni umo wa Batumoni ba Yehova, wanenene amba: “Mu 2017, bantu midiyo 20 ne kupita batenwe ku Kivulukilo, kadi mu bano, bantu midiyo 12 kebadipo Batumoni. Nanshi Kivulukilo i kinkumenkume kya mvubu mu mwaka ku bonso, ku Batumoni ba Yehova ne ku midiyo ya betwa ntanda yonso. Kyotusaka i bekalwa-netu bonso batambule lwito lwa kutanwa’ko mu kifuko kyonso kyobasaka.”
Mubwanya Kwita:
David A. Semonian, Bilo Itala Myanda, +1-845-524-3000
Tala'po Bidi ne Bino:
MYANDA ITUTALA
Kivulukilo kya Lufu lwa Yesu
Mwaka ne mwaka bantu midiyo ne midiyo bebuñanga musunsa umo mwanda wa kuvuluka lufu lwa Yesu. Tukwita wiye umone mwanda waka kino kinkumenkume kikutala ne abe.
BIPANGUJO BIPANGULWANGA DIVULE
Mwanda Waka Batumoni ba Yehova Bavulukanga Bidibwa bya Kyolwa bya Mfumwetu mu Muswelo Mwishile na Bipwilo Bikwabo?
Bitwanga monka bu Bidibwa bya Mfulo nansha bu Kivulukilo kya Lufu lwa Kidishitu, i kintu kya mvubu mpata ku Batumoni ba Yehova. Tala binena Bible pa kino kinkumenkume.